法國蘋果好有味力

好鬼有益嘅蘋果不嬲我都鍾意食，不過法國蘋果就好似比較少食！老婆大人呢日帶咗我去INTERFEL法國新鮮水果蔬菜跨區促進會嘅媒體活動，認識咗好多唔同種嘅法國蘋果之，仲可以食到大米芝蓮星級廚師Charles Soussin即場煮嘅蘋果菜式好正斗。 原來到目前為止大約有1300個法國蘋果種植者，喺法國國家蘋果梨協會ANPP的框架制度下得到Vergers écoresponsables嘅認證，所以佢哋種出嚟嘅蘋果絕對係信心嘅保證。 法國嘅優越地理位令到種出嚟嘅蘋果質量好高，近100個品種入面大約有30個品種產量比較多啲，而喺香港成日見到嘅五種法國蘋果品種，有皇家加拿蘋果、翠玉蘋果、金冠蘋果、紅粉佳人蘋果同埋茱麗葉蘋果。 而家就由Chef Soussin煮番兩味俾我哋試，佢用蘋果汁煮咗個雞胸配奶油羅勒醬醬汁，另外仲用焦糖蘋果加埋乾果同蜂蜜燕麥片整咗個蘋果醬嚟整甜品，老婆大人好專心咁睇應該遲啲可以喺羅家飯食到。 喺九月底起法國蘋果就會喺香港主要嘅商店季節性上架，十月起仲會喺主要嘅零售店舉行各樣消費活動，好似有試食同埋巡迴推廣活動，到時大家可以去到超市試食法國蘋果，如果想知多啲INTERFEL嘅最新消息，可以follow佢哋嘅instagram @FruitVegFromFR同埋Twitter @FruitVegFromFR。