HAND3AG 2024/03/30

驚喜鐵板三文治💕HAND3AG

以前覺得三文治係For充飢嘅食物,但近年越來越多精緻三文治嘅出現,扭轉咗我對三文治嘅舊有觀念🙆就好似呢間鐵板三文治專門店HAND3AG,創出一系列令人驚喜嘅鐵板三文治,將平平無奇嘅三文治昇華去既有外表又有內涵嘅Level✔ 咕嚕咕嚕脆雞鐵板三文治 眼見佢哋有好幾款鐵板三文治選擇,款款顏值滿分,令人食慾大增💕搞到我都唔知叫邊款好,每款都想食 (😂暴露為食本性...) 最後我喺咁多個佳麗中揀咗呢款咕嚕咕嚕脆雞鐵板三文治,其實一拎出嚟都有少少嚇親🙈各種餡料堆疊都幾多料下,真係一手都拎唔住😮因為係外賣返屋食嘅關係,初初都會好驚錯過最佳賞味時間👀點知又唔會喎,因為呢個鐵板三文治每一個組合嘅部份都好好食😝麵包出面有少少脆,入面又好鬆軟,咕嚕Buttermilk脆雞酸酸甜甜咁幾開胃,加埋濃郁嘅熔岩芝士,清新嘅脆生菜、烤番茄及燒菠蘿,仲有他他醬同特製奇妙醬嘅加持,一啖咬落去啲料多到爆出嚟,絕對稱得上係一個大滿貫嘅組合🙌 慢燒雞蘋果沙律 一直都以為沙律係好悶,其實只要通過唔同嘅烹飪方式,都可以令不同食材展現全面嘅營養價值,更令沙律更具特色💁就好似係呢款慢燒雞蘋果沙律,慢燒雞配合沙律醬同食一啲都唔乾👆除咗慢燒雞,沙律更伴有合桃、蘋果、提子及青瓜粒,幾者天然嘅甜味配合埋一齊,又Fresh又有飽腹感👍 芝士龍蝦汁通心粉 金黃焦香嘅外表竟然喺加入龍蝦汁製成嘅通粉😉面頭灑上香草,而通粉係有少少坑紋嗰一款,所以好易掛到龍蝦汁,溶化後嘅芝士將沾滿龍蝦汁嘅通心粉裹得緊緊實實💥處處散發著金黃色嘅誘人光澤,嗰浸奶香味遮都遮唔住😗通粉間更夾雜不少彈牙爽口蝦肉,同龍蝦汁嘅鮮味互相暉影~如果大家鍾意食芝士同通粉嘅,一定要試下呢一款黃金組合✨ 蜂蜜檸檬特飲 飲落好舒服,調味剛剛好,唔會太甜但又唔會酸到叫媽媽🤣係清爽解渴好選擇!一啖三文治一啖冰凍嘅蜂蜜檸檬特飲係正嘅! #中環 #甜品 #hkig #沙律 #吐司 #hongkong #好食 #三文治 #foodhk #相機食先 #hkgirl #hkfood #hkfoodie #打卡 #hkfoodblogger #hkfoods #hkfoodig #foodiehk #ighk #ufoodphoto #hkfoodporn #HAND3AG #鐵板三文治 #中環街市 #hkbread #hkdessert #desserthk #breadhk (此文章由U Blog 同步發佈至社群)

地址
HAND3AG
香港旺角亞皆老街8號朗豪坊B2層27號舖
評分
5/5
好好味😋
好好味😋