打咭必去,裝修靚越南fusion菜

位於荔枝角D2 Place 3樓盡頭,位置非常隱蔽唔起眼,卻用心裝修佈置每個角落嘅Chill Vietnam,成間舖都佈滿芒草,十級chill嘅悠閑度假主題風格,食客可以嚟盡情打卡,食飯之餘嘆杯啡扮吓文青😛 餐廳主打越南fusion菜,融合咗西方元素嘅越南傳統菜餚新派有創意,仲要所有餐盤同擺盤賣相都有設計過相當靚🤩 ============ヽ(○´∀`)ノ♪ ❀蟹黃蒸粉卷 $68/2件;$108/4件⭐️推薦👍🏻 11月限定菜式,啖啖蟹黃嘅蒸粉卷,蟹黃嘅份量一啲都唔吝嗇🥰 鮮味十足,粉皮夠薄透又軟綿綿。 ❀煙三文魚伴魚子米紙卷 $88 ✰傳統嘅越南米紙卷用上煙三文魚同埋魚子配搭,好有創意,口感豐富可以一試。 ❀椰汁叻沙葉燴青口伴炸油條 $128 ⭐️必食推薦👍🏻 ✰好味到想飲埋個汁😂 ‼️ ✰賣相靚夠特別,油炸鬼係用吊架上檯,炸得酥脆,附上手套同剪刀俾食客剪開用嚟沾點叻沙汁。 ✰叻沙椰汁味重,微辣,creamy有奶香,同藍青口勁match!我平時唔鐘意食青口,但係今次覺得非常好食食唔停口😍 ❀越式椒鹽炒肉蟹 $468 ⭐️推薦👍🏻 ✰肉蟹分量十足,啖啖肉,炒得好乾身,蟹肉鮮甜結實,椒鹽炸蒜非常惹味,有少少似避風塘炒蟹。 ❀家鄉燒豬腩肉伴檬 $78 ⭐️推薦👍🏻 ✰豬腩肉半肥瘦燒到好香口,入口軟嫩。 ✰店員介紹食呢個夢粉要好似食沾麵咁樣,夾檬粉沾點個湯再食,不過檬粉比較容易鬆散,好容易成撮麵跌落湯入面😂 個湯比較鹹香,太多汁可能會覺得過咸。 ❀蝦膏海鮮炒河粉 $98 ✰食東南亞菜餚必食炒河粉,炒得乾身唔油膩,好多新鮮海鮮粒,有蝦、魷魚、魚塊。 老老實實今餐好有驚喜😋 打緊稿嘅我已經好想再去食多次個叻沙油炸鬼!😂 💵4個人食,人均$250 Follow Me on Instagram : @lovelykawaii_missmeow Chill Vietnam Cuisine and Bar (荔枝角) 📍地址:荔枝角長義街9號D2 Place ONE 3樓301號舖 #蕃薯妹周圍食 #hongkong #香港美食 #美食 #食好西 #美食探店 #香港美食探店 #香港好去處#越南菜#全民打卡企劃#打卡美食#打卡美食挑戰#生活足跡#2023日常#食咗先講#hkfoodie#hkfood#秋日美食#相機食先#2023必玩必食

平均消費
HK$250
地址
Chill Vietnam Cuisine
香港荔枝角長義街9號D2廣場一期3/F, 301號鋪
評分
5/5
👍
下一篇載入中