時代廣場韓式居酒屋🇰🇷

SULJIB 술집位於時代廣場高層，餐廳座位闊落，坐得好舒服，部分卡座仲有層薄紗，增加私隱度。點餐過後店員隨即送上兩款前菜，分別有泡菜同豆芽 🔅牛肋骨 好大條牛肋骨，已預先切好一塊塊方便食，醬汁味道香濃，整得好入味，而本身牛味都好重，肉質鮮嫩多汁，仲有少量配菜係碟中，蛋絲、薯蓉同蔥花 🔅和牛三文治 共有4件，每件和牛都好厚身，肉質呈粉嫩顏色，外層有輕輕炸過，食落帶香脆口感，與烤到好香脆嘅多士夾住一齊食，口感豐富 🔅白切肉拼生菜包飯醬 白切肉排列得好整齊，份量都幾多，肉質肥瘦相間，口感軟嫩，用嚟夾住新鮮生菜同包飯醬，可去除油膩感，仲多一份爽脆口感 🔅燒香蕉配朱古力醬 香蕉上有層焦糖薄脆，奶凍味道唔錯，口感滑溜，帶點焦糖香味，甜而不膩 🔅青檸梳打、柚子梳打 兩款梳打都好清爽解渴，甜度適中，酸酸甜甜好開胃 🍴SUL JIB 술집 📍銅鑼灣勿地臣街1號時代廣場13樓1302號舖 #全民打卡企劃#秋日推介