漫天紅白燈籠🏮自選天婦羅定食$30起

旺角新開張天婦羅居酒屋🍤自選天婦羅定食 $30起(〃’▽‘〃) ʙᴀᴋᴀ ᴛᴇᴍᴘᴜʀᴀ, ᴀ ɴᴇᴡ ᴊᴀᴘᴀɴᴇsᴇ ɪᴢᴀᴋᴀʏᴀ ɪɴ ᴍᴏɴɢ ᴋᴏᴋ, ɪs ᴡʜᴇʀᴇ ʏᴏᴜ ᴄᴀɴ ɢᴇᴛ ᴀ ʙᴏᴡʟ ᴏғ ᴛᴇᴍᴘᴜʀᴀ ᴀᴛ ᴀғғᴏʀᴅᴀʙʟᴇ ᴘʀɪᴄᴇs. 27 ᴛᴇᴍᴘᴜʀᴀ ᴏᴘᴛɪᴏɴs ᴀʀᴇ ᴘʀɪᴄᴇᴅ ᴀᴛ ᴏɴʟʏ $8-18 ᴇᴀᴄʜ. ᴡɪᴛʜ ᴘʀᴀᴡɴ, ᴇᴇʟ, ʀᴜɴɴʏ ᴇɢɢ ᴀɴᴅ ᴏᴛʜᴇʀ ᴠᴇɢɢɪᴇs, ᴛʜᴇ sᴇᴛ ɪs ʙᴏᴜɴᴅ ᴛᴏ ғɪʟʟ ʏᴏᴜ ᴜᴘ.🤰🏻 無論係店外五光十色嘅霓紅招牌，以至店內漫天紅白燈籠🏮，捌加廿陸成個設計同佈局都令人仿佛身處響日本在地居酒屋🎌餐廳分為上下兩層，樓下雖然只有狹小嘅Bar枱，但就可以近距離睇住店員即叫即炸天婦羅🤩而樓上閣樓有榻榻米座，餐廳上下層嘅牆壁都貼滿八九十年代嘅報章、海報、採訪稿、明星宣傳照等...非常有異國情懷~ 自選天婦羅定食🍤 $30起 前菜有醃蘿蔔、橙，再配上麵豉湯。之後就係重頭戲，成個set嘅叫法就好似食車仔麵一樣，”麵底” 可揀冷熱烏冬、蕎麥麵或飯，之後一共有27款海鮮、肉類、蔬菜天婦羅選擇，每款加購價只係$8至$18不等🤩 鰹魚湯蕎麥麵麵質出色而且湯底清新，可以緩和天婦羅嘅油膩。天婦羅方面就叫咗穴子、那哥魚、黑虎蝦、半熟蛋、紫蘇蝦膠、紫薯、金菇、杏鮑菇作配搭。一定要讚嘅係天婦羅粉漿夠薄身香脆，真係即叫即炸，外皮唔會軟腍腍🫶🏻 那哥魚 $12 係呢度嘅招牌之一，非常大塊又彈牙，口感似墨魚，鍾意食魚嘅朋友唔好錯過~ 紫菜蝦膠🍘 $12 無論喺款式、創意、味道、口感都一流，蝦膠好彈牙，係必試嘅天婦羅！ 半熟蛋🥚 $12 半熟蛋都可以有天婦羅，外皮高溫炸到脆曬，但入面雞蛋居然可以維持半熟狀態😧一切開金黃蛋漿就流晒出嚟~ 鴛鴦鰻魚丼飯🤎 $98 話明鴛鴦梗係有兩款唔同嘅鰻魚啦，一半係天婦羅鰻魚，另一半就係用平時方法燒嘅肥美鰻魚。雖然食材本質一樣，但兩款鰻魚口感、味道都截然不同，普通燒嘅肥美鰻魚配上秘製鰻魚燒汁，香氣四溢。相反天婦羅響烹調過程中會將鰻魚嘅水份抽走，所以食天婦羅鰻魚追求嘅係口感上嘅層次，外皮酥脆，內𥚃魚肉軟腍，再沾上甜甜地嘅天婦羅汁作點綴，完美享受~ 芝麻雞翼🐓 $38 雞翼炸得又香又脆，表面撒咗好多芝麻，調味得宜~ 磯燒鮑魚配帶子 $68 天婦羅鮑魚同帶子真係極為罕見，雖然外層炸到卜卜脆，但係鮑魚口感依然保持彈牙，帶出少少甘甜味。帶子嘅鮮甜味對比落嚟就更加突出，大大粒食過返尋味~ 飲品有唔同果汁、啤酒、日本酒🍻選擇，其中出產地係日本嘅果汁都只係$10一罐 ! #食勻全世界#UCreator#打卡美食#好去處#MOMENTSwithUCreator#BESTFOODwithUCreator#UCreatorHK#旺角美食#旺角好去處#旺角必食#日本菜#日本美食#天婦羅