朋友相聚好地方

太耐冇出城，發現銅鑼灣Fashion Walk 附近原來多左好多野食～ 今日就行過見到黑門水產，裝修好大同埋好別緻，好似飛左去日本咁，諗都唔諗就決定入去食😆 🔸️北海道秋刀魚 見到有秋刀魚刺身，即刻點！ 因為唔係周圍都食到秋刀魚刺身，呢種魚易變壞又難保存，所以未食過一定要試下！ 秋刀魚刺身肉質細滑，味道鮮甜，淡淡散發出秋刀魚嘅甘味～ 而且師傅擺盤擺到好靚😆 🔸️活赤貝刺身 新鮮嘅赤貝真係好鮮甜，無得輸！ 🔸️海膽蟹味噌甲羅燒 識我嘅人都知我超愛食甲羅燒😋 配料有海膽，蟹籽，鵪鶉蛋，蔥粒，蟹肉及蟹膏， 鮮香美味，仲要配搭梳打餅呢種食法，真係食到哇哇聲！ 🔸️蟹味噌燒帆立貝 出面食多數都係就咁用醬油加牛油燒，食到食到悶～ 見到有蟹味噌燒，不如就試下呢款口味～ 濃郁嘅蟹味蹭味將鮮甜嘅帆立貝昇華到另一種層次，估唔到可以咁夾！ 🔸️磯燒烏賊 原條烏賊大大隻，睇住佢慢慢變熟，好有治癒感！ 烏賊超爽口，而且店員燒到剛剛好，留有鮮味！ 🔸️極上壽司盛合 有12款壽司，我想講赤醋嘅日本珍珠米真係好好食！ 同埋D刺身好新鮮，色香味俱全！ 🔸️鐵火卷 🔸️自家制牛蒡漬 🔸️清酒煮白蛤 白蛤鮮甜夠肥美多汁，清酒味道剛好，唔會白蛤嘅鮮味！ 🔸️串燒 雞皮串，雞心串，雞腎串，雞肝串 店員話做緊promotion，凡叫串燒滿$150,送一杯Orion生啤🍺，如此類推～ 呢間真係好好食，又坐得舒服！ 📍黑門水產すいさん (Fashion Walk) 銅鑼灣加寧街5-7號Fashion Walk地下C及D號舖