尚座主打酥香烤鴨及多款特色菜式既午餐😍

一向都好鍾意食中菜,尤其係京滬菜式~今日午飯時間,約咗附近返工既朋友去銅鑼灣呢間「尚座」,歎返個主打酥香烤鴨及多款特色菜式既午餐~ ——————————————————— 🔹 涼菜拼盤:老陳醋鎮江餚肉,冰鎮柚子鮮鮑,宮廷煙燻素鴨 擺盤簡潔又精緻,拼盤有齊3款招牌涼菜~ -老陳醋鎮江餚,肉晶瑩剔透,餚肉入口即溶,肉香味濃,仲好特別咁以鎮江醋制作成果凍狀,入口酸香味十足,好出色~ -冰鎮柚子鮮鮑,大大隻夠厚身,口感煙韌彈牙,加入鮮柚子果肉襯托,食起嚟零舍清新,更突顯鮑魚嘅鮮甜味~ -宮廷煙燻素鴨,外層既腐皮豆味香濃入口滑順,中間釀入冬菇絲,蘿蔔絲及萵筍絲,口感爽脆,層次感十足~ 🔹花膠燉雲吞雞 奶白香濃既湯底,上枱賣相好吸引~湯頭以雞肉及雞殼熬製,加入金華火腿,鹹香味濃郁,再加入養生嘅花膠及自家包制雲吞,既滋潤又暖胃,必試~ 🔹 松鼠黃魚 呢款松鼠黃魚,造型精美,經油炸後金黃色襯託紅噹噹既甜酸醬,夠搶眼,打卡一流~魚皮魚骨炸至香脆,搭配酸甜開胃既雜豆醬汁一起食,層次感十足~魚肉啖啖肉,雖經油炸,但入口仍保持嫩滑多汁,絕對值得一試! 🔹楊枝沙律蝦球 朋友仔大推楊枝沙律蝦球~蝦肉大大件,夠哂爽彈,外層沾滿微微酸甜嘅沙律醬,再加上藍梅及士多啤梨粒,食起黎好清新,一啲都唔油膩,夠晒滿足~ 🔹黃金鴨件配魚子醬 心思思試埋呢一款餐廳招牌菜式~黃金鴨件配魚子醬賣相精緻,香酥既鴨皮中間加入山渣片及青瓜片,底層以香脆薯片承載,上層加入矜貴嘅魚子醬,一啖食落去,口感超豐富,魚油及鴨油味香濃,互相輝映~ 🔹酥香烤鴨(半例) 餐廳主打菜式!採用2個至2個半月白乳鴨,肉質滑嫩有保證~ 外層鴨皮烤至香脆色澤金黃,香氣四溢,入口酥香味濃,鴨皮連薄薄油脂入口瞬間溶化,配搭傳統配料如烤鴨醬、京蔥絲、青瓜絲、蒜蓉、哈密瓜絲及砂糖,再用熱辣辣晶瑩剔透既荷葉餅皮包制,啖啖滿足~鴨肉份量亦夠哂豐富,鴨肉嫩滑得黎又充滿肉汁,鴨香味又濃郁,大推! 🔹爆汁牛肉煎餅 意猶未盡嘅我哋,心思思叫埋呢一款即叫即煎嘅爆汁牛肉煎餅~外層煎餅類似生煎包嘅質感,口感又香脆又軟熟~咬開後,內餡嘅牛肉及湯汁爆汁,熱辣辣又香濃,食得好滋味!

地址
中國太平大廈
香港銅鑼灣新寧道8號
評分
5/5
下一篇載入中