🌿素食天花板🌿

鄰近尖東棉登徑🚉尖東站N1出口一出就到🏢整座大廈都係食肆，一層一間。呢間新派素食，舖面細細，大約坐到20位客人，閒日午市都坐滿。以粉藍色配白色為裝潢主色，加上落地玻璃🪟採光一流，明亮年輕而舒適。 要試新派素食，有時都要要啲冒險家精神，好在今次我哋成功搵到寶藏🌟 素食三文魚拼盤🍣$68，用「黑色星球🪐」裝住，下層有乾冰🧊侍應會喺客人面前加水，乾冰會即時冒煙🌬打卡拍片一流🐟魚生係蒟蒻，扮三文魚同鮑魚片，外型像真度十足，最正係用咗真・新鮮wasabi，真wasabi好難種好貴，普遍一般日本餐廳都係用開粉嘅替代品，而真wasabi嗰個天然嘅辛辣味，真係冇可取代。 北京片皮鴨🦆$128，係豆乾片，鴨醬濃郁🫓餅皮煙韌，配上🥒青瓜及黃紅甜椒，我覺得如果配返傳統嘅京蔥可能更像真。 台式叉燒刈包🐖$68，南乳味美濃，刈包鬆軟香甜。 🥭香芒天婦羅炸豆腐$88◻豆外脆內嫰滑，一啲都唔油，配上新鮮芒果醬，好清新👍🏻 🥥椰汁雪耳無花果燉湯$48，非常足料清甜，火喉十足🌶酸辣湯$48，酸味自然平衡 四川擔擔麵🥜$68，冬陰公金邊粉🌶$58 整體非常滿意，菜式設計有創意、賣相精緻又美味😋 慈素小聚 尖沙咀麼地道30號Mody House 8樓 #秋日推介