健康之選兼超好味麻糬三文治

講起打卡,甜品必定係首選之一。今次有幸試食 Catchi嘅麻糬三文治😋 設計係用用戚風蛋糕夾忌廉加麻糬,外型似三文治,好可愛。仲有迷你同標準size可以揀!啱曬散水餅,開party,公司活動等場合。我試咗以下幾款口味: - 迷你麻糬三文治 焙茶芝士 朱古力三重奏 楊枝甘露 - 標準麻糬三文治口味 乳酪芒果 朱古力三重奏 蛋糕質地綿密鬆軟,忌廉滑嫩而不膩。原來配方係低糖少甜,專為香港人口味而設。個人最推薦朱古力三重奏口味,偏向黑朱古力🍫,入面仲加咗粒粒嘅朱古力脆脆😍 除咗麻糬三文治,仲有沾醬麻糬配海鹽芝士奶蓋及牛油薄脆。有唔同口味可選擇,有黃豆粉、抹茶、紫薯、玄米茶、焙茶。呢個真係麻糬天花板,中意食麻糬嘅人必定要試,口感煙韌度啱啱好,唔太甜。沾醬食真係滿分💯 由於係即日人手製作,無仼何防腐劑,所以要即日食用。 Catchi嘅奶茶都好岀色,試咗低糖濃厚奶茶玄米椰子味,奶茶好creamy,勁多嘅玄米椰子,好有嚼口。 #社群試食CATCHI#甜品#觀塘美食#打卡美食#麻糬三文治#奶茶#麻糬#散水餅#熱門菜式#觀塘蛋糕店#觀塘蛋糕

地址
觀塘道396號毅力工業中心
香港觀塘觀塘道396號毅力工業中心1樓
評分
5/5
下一篇載入中