銅鑼灣開咗間新嘅燒肉店，鋪頭除咗有燒肉，都有唔少其他特色日本嘢食，主打當然就係和牛喇。 和風湯燉牛舌 $78 天氣凍我哋叫咗個燉牛舌湯，入面有好多牛舌肉條同蘿蔔，湯飲落暖笠笠，肉味香濃，仲有蘿蔔嘅清甜。 明大子醬香蔥玉子燒 $42 玉子燒唔會太實，蛋香味重。個明太子醬辣辣地，夾埋玉子食唔錯。 吉列和牛金磚多士 $238 重頭戲嘅吉列和牛多士，多士烘到金黃香脆，加埋外面炸到金黃色入面勁靚油花嘅厚切和牛磚，睇見都流口水。多士趁熱食，先係酥脆口感，再黎係腍嫩juicy嘅肉感，油脂喺口入面不斷爆發出黎。 海鮮三點盛 $128 燒烤方面叫咗個海鮮三點，有元貝2隻、大虎蝦2隻同青口4隻。海鮮新鮮，元貝好大隻食落juicy啖啖肉，大虎蝦肉質夠哂爽彈，青口都好鮮味。 辣大醬黑毛豚肉佐生菜 $88 另外叫咗份黑毛豚肉，因為油脂夠，燒完好香口，肉質都幾腍，脂肪位好爽彈。用生菜加d辣大醬夾黎食仲可以消除埋油膩感。 雜果賓治 $32 入面有好多雜果粒粒，果味濃郁香甜。 古早冰菠蘿柚子蘇打 $38 酸甜菠蘿加上柚子香同有汽梳打，夠哂解渴。 。 。 燒肉の殿堂 (銅鑼灣) 銅鑼灣駱克道459-461號The L. Square9樓 。 。