位於銅鑼灣既一間高級日式料理餐，菜式食材由廚師發辦，來自日本既新鮮食材、而且擺盤精美。店內設有壽司吧座位，可以近距離欣賞睇住師傅整，都有唔少既卡位，坐得舒服可以慢慢食。店員既服務態度好好，好有禮貌，幾好既用餐體驗。佢地所有既lunch set 都會包左 premium appetizers, steamed egg custard, coffee or dessert. 。 Premium appetizers 🌟和風醬沙律、青瓜貝柱、鴨胸卷 沙律菜新鮮爽脆，青瓜貝柱有啲似平時涼伴青瓜帶少少酸，用鴨胸包住青瓜同紅蘿蔔絲配麻醬，三款前菜味道都唔錯。 🌟雞肉茶碗蒸 茶碗蒸好滑，底仲有幾舊雞肉。 . 🌟壽司午餐 (配溫鳥冬) Sushi Set Lunch with Signature Salad Hot Udon $480 有７款壽司同２件玉子，壽司飯軟硬適中，用咗赤醋調味，飯唔會太大舊，魚生既味道會更突出。帶子好大件，又厚又鮮甜。海膽鮮甜又creamy。另外仲有一碗鳥冬，有好多海帶，食完都幾飽 . 🌟特上魚生飯午餐 Deluxe Chirashi with Signature Salad & Soup of the Day $420 魚生既份量好多，而且有唔同種類，一次過可以試多種食材，不過魚生款式會因應個日食材新鮮而改變。櫻花蝦、帶子、海膽、吞拿魚同三文魚籽都好正夠新鮮。仲有一個多料味噌湯，成碗都係海帶、豆卜同肉片。 . 🌟Dessert 食完主食後可以揀咖啡／甜品，今日甜品係蛋捲，每人有兩款芝士口味同士多啤梨口味蛋捲，蛋捲幾軟，都幾好食。 . 📍銅鑼灣開平道1號Cubus 7樓 #社群時間囊