西環必試推介! 海旁人氣悠閒Cafe!

西環必試推介! 海旁人氣悠閒Cafe! Little Cove Espresso Little Cove Espresso係西環一間好出名嘅海旁cafe。咖啡店好靠近海邊，店內裝修簡約但溫暖，四圍係白色嘅牆、白色枱同木製椅子。大量落地玻璃窗戶引入好多自然光線，感覺好精神同舒服，好適合同朋友傾計食嘢、享受咗一個好悠閑嘅海邊brunch時光。 ～Ricotta Hotcakes $128 Ricotta Hotcakes係佢哋招牌菜之一 -。Pancake上枱時已經傳嚟陣陣香味，綿密又鬆軟嘅Pancake上面淋左新鮮嘅熱情果肉同少少楓糖漿，超吸引😍😍。旁邊鋪滿新鮮嘅水果，有士多啤梨同藍莓，仲有堅果、榛子曲奇碎，外貌超級靚，忍唔住係咁打卡，影相！📸📸食嘅時候，水果同pancake一齊食，帶嚟好豐富嘅口感層次，配埋咖啡一齊食，真係令人回味無窮呀😋！ ～Flat white $40 佢哋嘅Flat white賣相超靚，有少見嘅天鵝拉花🦢❤️ 咖啡香氣濃郁，酸度同苦味平衡，口感細滑順口，質感同味道都好出色。 Little Cove Espresso係一間好Chill好正嘅cafe，可以一邊欣賞海景一邊享受美食，喺週末去會好多人排隊，建議早啲去就唔洗等咁耐😆！ Little Cove Espresso 📍西環堅尼地城新海旁3-5號五福大廈地下3號舖 推介程度：❤️❤️❤️❤️❤️ #咖啡 #拉花 #pancake #coffee #LittleCoveEspresso #西環Cafe#cafe #西環 #海旁 #Chill #海景 #海景cafe #嘆咖啡 #工業風 #熱門菜式 #打卡 #攻略 #週末 #下次要再食 #打卡熱點