經過天后站又係曲奇控🍪值得買黎一試🤩

特色椰奶斑爛麻糬曲奇🍪😋！$30 作為鐘意食又鍾意整曲奇嘅曲奇控嘅，我嚟到天后就專登去埋呢間店度買咗佢呢一款特別味嘅曲奇嚟試😜😜😜😝 近期好似都越黎越多斑斕味嘅野食，但係曲奇🍪仲要入面有麻糬真係好似無見過😁而我去之前都有係Openrice做過資料收集睇下d人推介乜嘢味道🧐😁我見好多都推介買呢隻味，所以有選擇困難症嘅我今次就唔洗諗買咩味道😄 我去既時候係下奏，咁啱佢地新鮮焗好左一盤呢隻味嘅曲奇🍪😄而買嘅時候店員就好細心咁講話最好返屋企氣炸大約30秒先食😁 我返屋企氣炸左30秒之後見佢好似都唔係好大分別，所以就再氣炸多30秒，所以氣炸完之後就係第二幅相個樣，見到邊邊位開始啡啡地😲😲 果然真係氣炸左呢塊曲奇好好食😋出邊脆、入面因為有麻糬可以拉到小小絲😁呢塊曲奇🍪食落唔會死甜，係漸漸咁散發出淡香嘅斑斕味😊而我無試清楚究竟佢嘅麻糬定係佢嘅曲奇混合左椰奶🥥，佢嘅椰奶味亦都好出眾😁😁😁$30雖然有d貴，特別係呢塊曲奇唔係特別大塊，適合一個人嘅下午茶，但係勝在食得出呢間餅店真係有用心製作呢個特別味道👅嘅曲奇🍪經過天后而又係曲奇控🍪嘅朋友仔不妨買返一塊返屋企氣炸一試😁😁😁 #打卡相我攞獎