隱藏在鬧市的和式洋食屋 —— HIDDEN

九龍灣除咗有兩大著名商場入面嘅餐廳之外，其實工廈都有唔少好嘢食😋 同朋友睇戲前就去咗環球工商大廈嘅HIDDEN食dinner🍴店舖嘅裝修以木系為主，牆上有好多日式懷舊海報。除咗嘢食之外，依度仲有唔少game可以玩，有各式各樣嘅board game／街機，仲可以俾錢玩飛標機／桌球。 因為同朋友都唔係好肚餓，所以淨係散嗌咗兩樣嘢，冇加錢轉套餐。如果你想食飽啲嘅，可加以$35轉成套餐！就會有味噌蜆湯、和風柚子醋沙律、珍珠飯無限添加、仲有樽裝汽水／玄米茶／生薑茶可以揀！ 【壽喜燒鍋 - 北海道千歲豚肉鍋】｜$108 好豐富嘅壽喜燒鍋！鍋入面已經有滿滿嘅配菜，包括：白蘿蔔、紅蘿蔔、蘑菇、旺菜、金菇、芋絲、蟹柳等等。豚肉嘅份量一啲都少！有五大塊！而且質素都唔差，餐廳仲附送咗蛋汁俾你點豚肉／和牛食！😋 冇嗌套餐都已經覺得好飽！🫄🏻 【牛舌兩食 - 秘製蔥醬薄切牛舌、厚切牛舌】｜$118 相比壽喜燒鍋，石燒牛嘅份量就少咗啲，但牛舌嘅質素都係唔差，兩款牛舌都好有咬口，配菜都好新鮮！ީ 總結：如果食厭咗商場嘅餐廳，又或者唔想排咁耐隊，HIDDEN絕對係一個好好嘅選擇！嘢食有一定水準，仲有咁多遊戲玩，無論係三五知己一齊食嘢飲酒傾下偈，定係一大班人聚會都好適合！ #熱門菜式#食咗先講#打卡美食挑戰#香港美食#打卡#美食#打卡美食#九龍灣美食#相機食先#生活足跡#夏日打卡日常#夏日打卡挑戰#食好西 HIDDEN 📍九龍灣常悅道20號環球工商大廈8樓4號舖 位置／環境：7.5 / 10 食物質素：7.5 / 10 性價比：7.5 / 10 服務： 7.5 / 10 Overall：7.5 / 10 會再去嗎？： MAYBE