上環高質Cafe推介!家的溫暖感咖啡小店!

Meanwhile coffee 今半啡 上環嘅蘇杭街有好多餐廳選擇,今次喺禧利街盡頭嘅小巷樓梯級旁邊,搵到有一間小木屋裝修感覺嘅咖啡店。喺呢間cafe門口上面有好大嘅木造招牌,已經感覺到好Chill,好溫暖嘅感覺!店內用咗木同簡潔日式為主設計風格,枱櫈都係木造,大量木元素營造出溫暖感覺。仲有大量暖簾同埋貓仔裝飾增加日式感覺。雖然餐廳面積唔大,但有齊二人位,四人位,都坐得好舒服,唔會好逼。而門口位置有二人bar枱位,可以俾人一邊嘆啡,一邊欣賞窗外風景!好chill ! ~ 公司三文治 $88 第一次見咖啡店居然係有公司三文治呢道菜,好奇之下試咗發現好有驚喜!通常公司三文治都係大大件飽肚就算,估唔到呢度係色香味俱全📸🥰! 三文治係用咗酸種包,而三文治夾住嘅餡料就非常豐富,包括咗煙肉,煙火雞胸,金門火腿同煎蛋,而且仲有好多芝士🧀。熱辣辣嘅芝士半溶狀態,芝士味濃得來仲有流心拉絲效果,好正呀!另外伴菜沙律有番茄同生菜,mix 埋沙律醬,新鮮得來又開胃! 呢度嘅飲品同食物都用心即時整,雖然要等但係好好味好值得。😋 午市套餐仲可享有飲品半價優惠,所以都點咗咖啡! ~ Flat White $23 每次試新cafe 都會試佢嘅flat white 去睇咖啡好唔好嘅標準,所以試咗 Flat White。咖啡用好靚嘅陶瓷杯去裝,上面有心形拉花,賣相已經加咗分。咖啡味香濃,入口順滑,牛奶同咖啡Mix得好好,飲落好夾!呢度嘅咖啡係高水準之作,絕對可以encore! 語怪得仲會周不時見到有附近返工嘅人入嚟買咖啡外賣拎走!真係咖啡嘅保證! Meanwhile coffee由環境到食物,咖啡,都好高質素,依間cafe真心推薦! 今半啡 Meanwhile coffee 地址: 上環禧利街33號LG樓F2號舖 推介度:⭐️⭐️⭐️⭐️⭐️/5⭐️ #上環#今半啡#Meanwhilecoffee#高質#悠閑#Cafe#推介#家的感覺#小店#Coffee#必試#高質 #街角#咖啡店#熱門菜式#打卡#攻略#chill#週末#好去處#下次要再食

平均消費
HK$120
地址
Meanwhile Coffee
Shop F2, LG/F, 33 Hillier St, Sheung Wan, 香港
評分
5/5
good
❤️
下一篇載入中