【油尖旺區】【新良友快餐店】喺尖東嘅半島中心，有幾間打工仔飯堂啱晒我呢啲窮肥矮毒嘅普通人，喺呢個平凡而陳舊嘅商場裡面，同出面五光十色嘅花花世界顯得格格不入。之但係亦因為咁，呢幾間嘢嘅價錢都唔會好過份，所以係有值得寫低嘅價值。 呢間嘅位置冇其他幾間咁好，比其他餐廳開入咗一個舖位，不過適逢嗰日係公眾假期，其餘幾間都冇開門，得佢有開，冇其他選擇之下就唯有揀佢。呢間新良友就真係老牌港式快餐咁款，基本上睇餐牌只係睇佢啲嘢點配搭。 先叫個 $46 嘅快餐，有「巨型雞髀」配「薯條」，佢有得轉餐蛋治或者腿蛋治但我諗住雞髀都係配返薯條好啲。雞髀比較普通，唔算大，薯條夠脆口，熱辣辣幾好。加 $2 飲「凍奶茶」，當然都冇咩花樣變到出嚟，都係一般。 另外叫多個 $33 嘅下午茶餐，主食嘅「漢堡包」都幾劣吓，求其用個熱狗包加塊現成漢堡扒吱啲茄汁就算，「薯條」食過想轉餐蛋治又唔得。杯「熱奶茶」正正常常但都彌補唔到對於呢一餐嘅壞印象，都應該冇乜機會再去。 點知跟住又遇到同一個情況，又係紅日得返佢開，咁冇計侷住食，今次食佢啲炒嘢試吓，叫咗碟「鹹魚雞粒炒飯」飲「凍檸茶走甜」，正常囉，真係維持生命。唔夠飽，補多件「奶油多」夾埋 $72，感覺好似食咗好貴咁款。。。 （地址：尖東麼地道 67 號半島中心 1 樓 145-146 室） #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #1am紅館 #紅磡 #尖東 #尖沙咀 #新良友快餐店 #下午茶 #熱奶茶 #快餐 #巨型雞髀 #薯條 #凍奶茶 #下午茶餐 #漢堡包 #鹹魚雞粒炒飯 #凍檸茶走甜 #奶油多 #1am0909 #1ambackup