黃大仙人氣麵包店-文化烘焙。必試名物布甸麵包、葡撻！

文化烘焙係西貢其中一間人氣嘅麵包店，出名賣新鮮出爐嘅蛋撻，葡撻，仲有佢獨有嘅布甸麵包等，估唔到喺黃大仙都可以食到。 文化烘焙喺黃大仙嘅分店好近地鐵站，喺黃大仙D3出口一出，入去黃大仙中心南館就會見到，十分方便。一去到文化烘焙已經聞到陣陣香噴噴嘅麵包味道，見到好多人係門口排隊揀新鮮出爐嘅麵包，令我都忍唔住要行入去，試吓佢哋嘅特色名物。 ～法式布甸麵包 $15🥖🥚 呢個布甸麵包外觀好吸引，麵包金黃色好似個碗咁裝滿鮮黃色嘅雞蛋布甸！🫕 切開麵包，內裡嘅流心布甸餡料流晒出嚟，真係好多餡料👍🏻 麵包外皮酥脆內裡鬆軟，口感好好，配合埋布甸嘅濃郁雞蛋香，滑順口感，甜得嚟又唔膩，真係好好味！ ～伯爵茶布甸麵包 $18 伯爵茶布甸麵包嘅外觀同法式布甸麵包相似，入面係裝住啡色嘅伯爵茶布甸。而布甸餡料加咗啲伯爵茶粉，有香濃嘅茶香，味道口感更加特別。但個人覺得有點太濃太甜。 ～紫米麻糬布甸麵包 $20 紫米麻糬布甸麵包係裝住紫色嘅紫米麻糬布甸，顏色好靚。麵包也是外脆內軟，切開發現有三層餡料好有驚喜😮，首先係紫米有好多，紫米嘅香甜味滿滿；之後係麻糬軟綿綿嘅質感又彈口；最後仲有雞蛋布甸喺底，淡淡蛋香又不會太甜。所有野夾埋一齊食，口感同味道層次都好獨特、好豐富！好好味好推介！ 特別想提嘅係文化烘焙嘅葡撻同蛋撻，都係同樣出色！ ～ 蛋撻 $6 呢度嘅蛋撻係用咗曲奇皮，蛋撻皮鬆脆有牛油味，而且皮薄內裡嘅燉蛋好多，口感滑溜，蛋味濃郁。好味😋 ～ 葡撻 $9 葡撻嘅外觀已經好靚，燉蛋嘅表面焦糖焗到有少少燶。酥皮有好多層但又不會太厚，食落非常鬆脆。而燉蛋餡料超多，軟滑香甜，一口咬落去蛋香充滿成個口好正😋😋 強烈推介！食完一個想再食多個！ ～可麗露 $18 最後仲試咗呢到嘅可麗露。被佢好似一頂圓柱形高帽嘅可愛外觀吸引住。表層焦啡色外殼，切開見到鬆軟內層有不同嘅氣孔。食落外皮煙韌有一啲焦糖味，入面嘅餡有點似硬D嘅蛋味布甸，不會太甜仲有輕微酒味。呢個蛋糕都幾特別，不過價錢覺得有點貴。 文化烘焙 地址： 黄大仙正德街103號黃大仙中心南館LG樓LG12&12A號舖 推介度：⭐️⭐️⭐️⭐️/5⭐️ #文化烘焙 #CultureBakery #Bakery #bread #黃大仙 #蛋撻 #葡撻 #布甸麵包 #熱門菜式 #打卡 #chill#下次要再食