上環嘅好味江淅菜

江蘇銘悅 上環 誠信大廈 2 樓 講到江淅菜，喺香港比較出名嘅可能係淅江軒或者蘇淅𣾀。 而我哋最近就發現咗一間冇咁起眼但又好好食嘅江淅菜餐廳。 呢次趁住restaurant week 有抵食嘅set，於是就揀咗個中午去食。 價錢：連茶芥及加一 $330/人 套餐包括： 前菜三味 湯 - 上海醃篤鮮 x1 金沙蝦球 x1 煎小黃魚 x 1 蘋果陳醋一字骨 x1 豆苗 小籠包 x1 糖水： 洒釀丸子 除咗前菜比較普通之外，其餘都好好食。 其中小黃魚最有驚喜，size 比想像中大，煎得好脆，但肉唔會太亁。 金沙蝦球亦都整得好好，有咸香而食起上嚟又唔會覺得漏。 小籠包皮薄多汁，講真一隻真係唔夠喉🤣。 另外碗湯夠味之餘亦好足料，飲完唔會有囗渴嘅感覺。 其實佢夜晚個set 都好吸引，可惜就唔到時間去食。 有時間或者可以出多一篇介紹吓佢散叫嘅餸，同樣好食。 #中菜餐廳#美食推介#港島美食#江淅菜