天氣又凍返，梗係去食辣辣川菜暖身。朋友帶咗我去朗豪坊川莊食烤魚。店舖裝修得古色古香，地方寬敞，環境衛生，唔怪得深受年輕人喜愛。 我哋兩個女仔嗌酸菜泡椒烤魚， 佢有江團魚$328同埋海鱸魚$288選擇,江團魚冇乜骨，所以就選擇左佢。原條江團魚放係酒精爐上， 大大條，魚肉夠身，一口一啖完全冇骨， 可以好放心咁樣大啖大啖食👍👍👍。 酸菜泡椒呢個配搭真係好有層次，入開頭食嘅時候就酸菜嘅味道， 當啲泡椒泡喺酸菜湯入面嘅耐咗啲辣味就開始感覺到啦！ 泡椒嘅辣度啱曬我哋啲嗜辣嘅人，好過癮呀！🤩🤩🤩 我哋仲加咗三款配菜有牛肚、海帶結同埋鮮腐竹， 每款配菜$25。 🔎海帶結大大隻，有咬口，而且對身體好 🔎牛肚切好曬一塊塊，浸過熱湯再食，竟然好好食， 鹵水味非常突出，又夠淋，我大力推薦😋😋🔎鮮腐竹味道較清淡，索左啲酸菜湯更突顯腐竹獨有味道。 值得一讚嘅係佢嘅茶，入面有玄米，菊花，冰糖、紅棗，茶葉，茶味甘香，玄米味道可以清一清酸菜湯嘅酸味。 🎈 川莊 地址：九龍旺角朗豪坊12樓12號鋪