收工成日都會約朋友去旺角、油麻地食野,選擇夠晒多。之前都食過LADDER Dundas既幾間餐廳,我都幾鐘意走過十萬八千里找到你,呢間靚靚乾花打卡café食物同飲品都唔錯。 🌟日式原條鰻魚意大利飯 $178 原條鰻魚有成個碟咁大條,鰻魚唔會太軟,表面既鰻魚汁甜甜地,幾好食。飯底係有翠玉瓜、好多木魚同紫菜碎。不過唔係好多汁個啲意大利飯。 🌟是日餐湯、餐包 +$45 🌟紅寶石巧克力草莓鮮奶 +$13 叫咗主食可以加錢轉套餐會,今日餐湯係蘑菇湯,會食到少少蘑菇粒,都幾香。可以點餐包一齊食。 另外加錢轉咗紅寶石巧克力草莓鮮奶,食到一啲草莓肉,味道酸酸甜甜,面頭仲有啲cream同玫瑰花瓣。賣相味道都唔錯。 🌟香果草莓自家窩夫 🧇$88 藍莓🫐草莓🍓果醬、雪糕 窩夫係偏軟身,只有外圍嘅位置脆,但都幾香。一個人都食得晒一份😗藍莓同草莓都好甜,點埋雪糕食味道就啱啱好。 📍走過十萬八千里找到你 (旺角) @somedayoronedaycafe 旺角彌敦道575號Ladder Dundas 10樓 ##社群時間囊

地址
走過十萬八千里找到你
香港油麻地旺角彌敦道575號Ladder Dundas10樓
評分
4/5
下一篇載入中