燒賣有燒賣關注組嘅加持😍😍

今日好晏先食lunch,不過食咗早餐唔係好肚餓,決定喺附近小食店買啲小食加杯茶飲做下午茶😬 見到呢間趣味思小食店好多人排隊買腸粉同埋撈麵,仲有XO醬魚蛋,即刻心心眼!燒賣仲有燒賣關注組嘅加持添啊,一於試吓😀 🔹XO醬魚蛋 魚蛋圓潤飽滿,食落爽口彈牙,加入XO醬,鮮香濃郁,帶點鹹香,拌魚蛋食特別夾😍 🔹魚蓉燒賣 大大粒燒賣圓潤軟腍,燒賣皮夠軟滑,入口淡淡魚肉香,難怪得到燒賣關注組嘅支持🥳 🔹粒粒芒果甘露 沙冰打得夠均勻,飲落無冰粒,啖啖舒爽透心涼!香濃芒果奶露仲夾雜柚子粒、同時交織椰奶香,芒果新鮮香甜、飽滿可口,整體酸甜度平衡,濃厚滑爽~ 🔹紅心芭樂冰茶 選用紅心芭樂特別清甜,口感酸酸甜甜,茶底清爽無苦澀味,飲落沁涼消暑,解渴又解膩! 趣味思小食店 (荃灣)✨ 📍荃灣大壩街47號地舖4號舖

地址
大壩街47號
香港荃灣大壩街47號
評分
4/5
Good
Hey
下一篇載入中