令和居酒屋 旺角呢間日式居酒屋真係好有氣氛 餐廳內既裝潢、菜式都幾似日本既居酒屋🏮 主打石燒、鍋物、爐端燒、串燒等，食物選擇豐富，亦有清酒🍶啤酒🍻梅酒🥃提供，放工同朋友黎飲杯野都係唔錯選擇 🌟串燒拼盤 🍢$138 居酒屋點少得食串燒，叫串燒拼盤可以一次試8款串燒，都幾抵食 大蔥、冬菇、秋葵、大蔥豚肉串、雞翼、金菇牛肉串、雞軟骨串、雞皮串 串燒既款式、味道都唔錯，如果係飲酒既就仲啱 🌟燒鮮鰻魚串🎣 $48 另外再加咗串燒鰻魚，皮燒得好脆，好厚肉，幾好食 🌟四色刺身盤🍣 $138 刺身都算大件，有帆立貝、三文魚、吞拿魚、甜蝦🦐 比較鐘意三文魚同甜蝦，夠甜夠爽 如果唔想叫刺身盤都可以單點 🌟石燒美國安格斯扒 🥩250G $208 呢到有唔同肉類既石燒，有唔同等級同份量 叫完之後店員會拎到你張枱面前到燒 燒個時已經聞到好香，油脂唔算好多，醬汁帶少少甜 🌟三文魚伴意式醋🐟 $88 沙律菜上有三文魚同三文魚籽，加咗意式醋會比較酸，但幾開胃 🌟鮮檸檬燒酎梳打🍋🍹 $48 🌟蜜桃茶🍑🍹 $28 見到好多人叫既檸檬燒酎梳打，係一串冰凍檸檬，賣相滿分 📍令和居酒屋 (洗衣街分店) @reiwamk2019 地址: 旺角洗衣街111號建煌華廈地舖 #社群時間囊