肉汁滿滿

我想食呢間好耐，奈何每次去附近同啲朋友聚餐佢哋都係揀烤肉或者西餐，甚至酒吧食嘢，我錯過咗好多次。終於早幾日出尖咀睇戲，時間又剛好去嘆漢堡，就食佢啦！ 同行朋友睇見個餐牌，發現選擇眾多，而價錢頗親民，佢嗌出來：唔貴喎！ 係呀，老實講我依家漠財，餐廳嚿幾兩嚿水一客burger我未至於食唔起但我會唔捨得。😂但呢度唔同，轉餐都係十鯪蚊，加埋每人都係幾十蚊咋。 我知去到呢個moment我朋友仲係抱有懷疑嘅態度。噤平俾咩人食呀？但當食物ready，我拎埋位，佢一見啲飽砌到噤高，佢話：原來噤大份！我哋嘅口有冇噤大食到呀？ 得嘅，擘大啲個口啦。😂 佢嗰個包有牛肉同Portobello菇，食到成手都係汁！我又何嘗唔係吖？我個包係菠蘿雞扒，都好厚，好好味呀，塊雞處理得好好，好嫩滑，我都食到成手汁。可能嘉寶都知大家食完實成手汁，專登擺部洗手機出來俾人洗手。 洗完手我哋先食side dish同嘢飲。炸薯條同炸燒賣都炸到好靚，點茄汁同mayonnaise食一流。 嘢飲我嗰杯係凍薑蜜，朋友加錢要鹹檸雪碧。呢餐好完美呀。