享有維港景的即叫即整型格漢堡餐廳酒吧

今個星期平日喺銅鑼灣Lunch 搵食,發現MOO MOO Plus嘅lunch set 好抵食所以食咗,覺得係一個幾好的選擇!值得推介😋😋 MOO MOO Plus 位於銅鑼灣鬧市,喺fashion walk 後面,店外係一個面向街同馬路的戶外用餐區,仲可以睇到少少維港景。店內係型格現代工業風嘅裝修,水泥牆和地面配襯黑色間格牆和椅子,燈光刻意調暗,十分神秘型格仲有情調。而一入店較前位置設有酒吧吧枱區,除咗可以見到調酒師喺你面前調酒外,店正面嘅落地玻璃更可以打開睇到街景,客人可以在半露天嘅餐廳內一邊傾計一邊飲酒, 好Chill。夜晚黎一定好熱鬧, 相信係另一個仲正嘅氛圍!😋 ~加勒比烤雞扒漢堡伴太陽蛋 $138 Caribbean Roasted Chicken Burger with Sunny Egg🍔 呢度嘅 Lunch Set 有好多款選擇,而且好豐富。😋 每個套餐可以選配餐湯或沙律,仲包咗飲品,可以揀茶或咖啡等。除此之外仲可以以優惠價加配其他小食或甜品。😆!我就揀咗以下嘅選擇, 1.前菜揀咗沙律🥗 沙律好新鮮配咗芝麻醬,而且份量好多好大碟,感覺夠兩個人食😂 2.餐飲揀咗新鮮嘅凍檸檬茶🍋🥤 3.主菜就揀左加勒比烤雞扒漢堡伴太陽蛋🍔 漢堡套餐仲配埋一籃炸薯條🍟😋薯條新鮮出爐炸起,加左五味粉撈勻,小小辣幾惹味!佢嘅漢堡包都係即叫即整,所以等咗成20分鐘,但係出嚟好驚喜,漢堡包超大個,配料好豐富!烤雞扒煎到啱啱好,肉質嫩滑,仲係少少金黃色,好香。漢堡包煎過,中間仲夾咗芝士、蕃茄、生菜同秘製Sauce,仲有一隻新鮮煎好的太陽蛋, 成個包好大個要兩隻手先拎得起😂 賣相已經超靚,食落仲好好味,好juicy!😋 ~香蒜蜜糖香烤雞翼 $38 Garlic Honey Chicken Wings 之後仲追加左小食香烤雞翼(可以喺原味,香蒜蜜糖,水牛城醬,BBQ醬之中揀一個口味)。我揀咗香蒜蜜糖香烤雞翼,真係好好味!雞翼上淋咗蜜糖同鋪滿香脆的蒜片,又香又靚! MOO MOO Plus 銅鑼灣百德新街59-65號海濱大廈地下C&D號舖 推介度:⭐️⭐️⭐️⭐️⭐️/5⭐️ #漢堡 #lunch #bar #酒吧 #MOOMOOPlus #burger #lunch #維港景 #抵食 #熱門菜式 #銅鑼灣 #打卡 #chill #下次要再食

平均消費
HK$180
地址
Moo Moo Plus
Shop C
評分
5/5
好正咁😍😍
下一篇載入中