美味曲奇推介！中環必試曲奇專門店 Cookie DPT!

美味曲奇推介！中環必試曲奇專門店 Cookie DPT!🍪 繼試完大坑嘅巨大美味邪惡曲奇後，一直想再試其他地方嘅曲奇😆。 今次畀我搵到一間喺中環嘅曲奇專門店 - Cookie DPT，佢哋嘅曲奇都好好味，而且仲有特色飲品同咖啡選擇，真係好好! 成間店舖以白色作為設計，設有露天座位，感覺讓人好放鬆。玻璃櫥櫃放有好多唔同口味嘅曲奇🤤🤤好多口味都好特別，好想試，睇到真係令人花多眼亂，唔知揀邊隻味好 🤤🤤！最後揀咗兩種特別口味，配埋咖啡，嘆咗個好正嘅下午茶！😆😆 ～ 花生醬口味🥜🍪 $40 外貌同普通啡色曲奇冇咩分別，但食落比較香，好有花生味，咬開見到有一啲花生醬，不過唔係好多，如果放多啲花生醬，感覺會再滋味D😋😆。 ～ 白朱古力夏威夷果仁🤍🍪 $40 外貌好吸引有果仁碎喺曲奇表面，食落好有口感，曲奇，白朱古力同夏威夷果仁嘅味道mix 得幾好，又唔會太甜🤤😋白朱古力味比較淡，但食到果仁嘅味道🤤。 ～ Mocha 咖啡☕ $45 呢杯咖啡嘅拉花好靚☕️♥️ 個心畫得好大，而飲落幾好味，不過口感同咖啡味比較淡，如果再香濃啲就prefect 喇！ ～ 草莓芝士蛋糕Latte🍰☕️ $50 呢杯凍咖啡好靚好適合打卡！📸 杯底咖啡嘅啡色慢慢漸變去上面粉紅色嘅cream, 仲有好靚嘅拉花圖案。飲落奶泡有淡淡嘅草莓芝士蛋糕味，配埋下面嘅咖啡，甘苦同甜味混合幾balance ，口感層次幾豐富😆！ 呢度有好多唔同款式嘅曲奇可以揀，好啱嚟食件餅飲杯啡，同朋友聚下食個下午茶😋😆！ 曲奇專門店 Cookie DPT 📍 中環閣麟街48號地舖 推介程度：❤️❤️❤️❤️ #CookieDPT #曲奇 #白朱古力 #夏威夷果仁 #花生醬 #草莓芝士蛋糕 #Latte #意大利泡沫咖啡 #中環 #美食 #熱門菜式 #打卡 #攻略 #chill #週末 #下次要再食