好食又好睇嘅千層蛋糕 Lady M平替 店內有打卡位

#cakeoftheday #世一千層蛋糕 #我想試食蛋糕 *曲奇流心千層蛋糕 外觀好精緻，望落好有食慾！食落口感層次分明，每一層蛋糕都薄嘅同時有韌性。曲奇流心嘅甜度適中，口感細膩，流心奶油都十分creamy，不過曲奇味可能唔算好濃，奶油味會重過曲奇味。蛋糕上面有啲曲奇，食落都鬆脆，令到蛋糕個口感都好豐富。😻 *泰式奶茶千層蛋糕 泰式奶茶千層蛋糕嘅奶茶味真係超級濃郁，唔會過於甜膩，仲會係奶油入面食到茶葉碎，證明真材實料！不過啲茶葉碎雖然好細碎，但有啲硬，所以好容易kick到喉嚨，會嗆到。蛋糕上面有奶茶醬，都好濃郁。店員叫我地解凍至少15分鐘先食，我岩岩好解凍咗15分鐘，但都仲有啲冰渣，所以如果買泰奶味嘅最好攞返屋企食🤣 最後最後，點入面有個打卡位，好靚！味道黎講無可挑剔，係香港值得一試嘅千層蛋糕啊