【油尖旺區】【新豐明苑】上次同大家講咗半島中心其中一間港式快餐店，今次就同大家講吓另外一間。不過講之前都刻意提吓 1am紅館 系列，上一篇都冇特登提，其實喺半島中心食完嘢行去紅館都好近，仲有港鐵特惠站。要留意嘅，反而係幾點閂門。 呢間叫「新豐明苑」，唔知同新文華中心嗰間豐明苑有冇關係，不過入到去都係茶餐廳咁款，食啲茶記食物。第一次去係食 $43 嘅歡樂下午茶「西冷牛扒配薯條」飲「熱奶茶」，正正常常嘅茶記下午茶級數，冇咩特別要提。 二訪嗰次就叫咗個 $45 嘅下午茶特價套餐，係呀，下午茶都有幾種，咁啱我情況許可就梗係食多樣嘢睇吓。叫咗「鹹魚雞粒炒飯」，唔算大兜不過味道可以。飲品方面由於公司加咗我人工，放膽咁加 $2 要咗「凍檸茶走甜」。 又咁講吖，下晝 $47 有個炒飯食又有杯凍飲，我都冇要求啲咩其他嘢架喇。我一直冇出 post，結果真係有機會三訪，同一間嘢去三次先寫，就算係茶記都要認真看待嘛。呢次就食 $48 嘅自選午餐，其實就即係常餐或者特餐。 佢冇晒沙嗲牛肉，就要咗「沙嗲豬頸肉螺絲粉」，幾特別有得跟螺絲粉，但個豬頸肉都幾難食吓，係難食。配菜揀咗「炒蛋」同埋「餐肉」，不過不失。件「厚多士」其實唔厚，而杯「茶走」係好飲，算補返啲遺憾咁。。。 （地址：尖東麼地道 67 號半島中心 1 樓 138-144 室） #1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #1am紅館 #紅磡 #尖東 #尖沙咀 #新豐明苑 #下午茶 #熱奶茶 #西冷牛扒配薯條 #鹹魚雞粒炒飯 #凍檸茶走甜 #沙嗲豬頸肉螺絲粉 #炒蛋 #餐肉 #厚多士 #茶走 #1am0913 #1ambackup