2023/01/11

時不時經過都未有機會食,今晚放工後早D黎排隊 排緊之際,已經被呢個盛宴之選所吸引,配飯只需$98,選配冷/熱蕎麥麵/烏冬/素麵就($108) 用餐時間45分鐘,所以都無需等太耐已可入座 成盤送上,佔據半張枱面 食材包括2隻黑虎蝦,磯燒鮑魚,鯛魚,紫菜,秋葵及金菇 侍應溫提先食鯛魚,點少少鹽會再好味D 一咬先有天婦羅炸漿,唔厚身,發出”嚓”一聲,香脆唔會一口油,輕易食到魚肉,有鹽嘅提味,果真係好味喎。 之後到磯燒鮑魚,印象中好似未食過天婦羅鮑魚,入口彈牙,唔韌。 個冷蕎麥麵夠晒凍,點配冷麵汁一齊食,軟硬度適中,單食都好好味,難怪在場都見唔少人選佢。 天婦羅即叫即炸,熱度夠,配以凍蕎麥麵,食晒都幾飽肚。百零蚊個餐已經食到盛宴之選,性價比相當高。 #社群時間囊#2023願望清單

評分
5/5
下一篇載入中