朋友話見到登龍街呢間Pizza大個又抵食 啲料足過連鎖店 幾乎瀉曬出嚟 聽到炸雞Pizza口水忍唔住即刻走去試吓🫣 ❣️肉食狂人芝加哥 $198 烤雞 烤豬肉 煙肉 火腿 紅椒 雙倍水牛芝士 巴馬臣芝士 番茄醬 酸忌廉醬 黑糖邊 最最最吸引係個黑糖邊再連埋Pizza表面都淋滿黑糖😍一般pizza以鹹為主 食多幾啖就覺得口渴要飲水 呢個甜甜地好似食緊甜品咁 厚度接近5cm 脆皮邊包住芝心內層 成塊似用芝士做餅底多過麵粉皮🤣有烤雞豬肉火腿煙肉啖啖肉 肉食控就啱曬 ❣️雙拼炸雞(蒜香蜜糖炸雞/黑糖年糕炸雞) $218 估唔到各半份都咁多 一份都有6件 蒜香蜜糖蒜味好重加上蜜糖甜甜地好開胃 無沾到醬嘅位置超級香脆 炸雞粉混合杏仁片食落更加香脆 即炸熱到拎唔到上手 脆口感同甜蒜味同時享用😳 至於黑糖年糕連炸雞好特別 年糕唔係就咁煮過就撈埋一齊 明顯見到外層有薄薄一層炸衣 外脆內煙靭 估唔到炸雞年糕呢個組合 除咗配甜辣醬 原來配搭黑糖漿都咁match🥺 - 🫧Mr. K Pizza N Chicken 銅鑼灣登龍街36-48號登輝大廈地下B號舖