喺銅鑼灣新開嘅一間飲品店，提供梳乎厘班戟同多款茶飲。呢度嘅茶飲主打健康及味道並重。 🌟紅絲絨梳乎厘班戟 $108 Soufflé pancake採用日本麵粉、日本雞蛋製作，因為係即叫即製，所以都要等長少少時間。 呢款梳乎厘班戟係有塊膠片圍住咁上，嚟到之後可以自己拉起膠片，就會有瀑布嘅效果，打卡最啱。 梳乎厘班戟空氣感好重，比較鬆軟，上面嘅紅絲絨係甜甜地，所以唔使額外加糖漿都夠味。 🌟白桃乳酪奶昔 $46 🌟粉紅荔枝乳酪奶昔 $46 另外叫咗兩杯水果乳酪奶昔飲品，兩杯飲品都唔會好甜，唔會飲到得糖漿嘅味道。荔枝口味嗰杯係粉紅、白色相間，睇落賣相吸引啲。個人就比較鍾意白桃乳酪奶昔，仲會食到粒粒果肉。 📍JOY LITM @joy.litm 銅鑼灣霎東街33號智選假日酒店地下G01號舖 #社群生日快樂