旺角鬧市高質小店，必點手作意大利粉🍝

FooDo 旺角通菜街1A-1L號威達商業大廈地下C號舖 餐廳裝潢簡約，以白色tone為主，面積唔算大，牆上掛滿食材照片裝飾。食物主打意大利粉及薄餅，另外仲有少量甜品選擇。 忌廉汁日本魷魚、菠菜葉配手作意大利意粉 $126 忌廉醬汁滿滿奶香而且幾濃稠，而手工意粉非常彈牙，口感好好，魷魚份量亦唔少，好食。👍 菠菜葉、車打芝士、日本太陽蛋手作薄餅 $104 薄餅餅底都幾薄身，焗到脆卜卜，車打芝士咸咸香香，重點係加埋太陽蛋，配搭埋蛋汁令味道更香濃。😊 焦糖脆脆蛋糕 $54 見到好多人點忍唔住點嚟試試，忌廉幾挺身，食落幾香滑，而蛋糕味道唔會太甜，加上crunchy嘅焦糖脆脆剛剛好。😋 整體餐廳食物質素唔錯，點意大利粉或薄餅會包水果茶或玄米茶一杯，另外可加錢要小食，個人幾喜歡手工意大利粉，絕對會再番去呀!😊 #cakeoftheday #我想試食蛋糕