台灣風味美食

呢間餐廳係元朗廣場既門口，每日放工必經之路，通常都坐冇虛席，趁今日放假入去食下佢既台灣野！ 首推👍🏻紅燒半筋半腩牛肉麵 （養生清燉牛肉湯底配台灣面） 食得台灣野必選紅燒牛肉面🐂！佢有得揀半筋半腩，啱哂有選擇困難症既我！份量大，目測牛筋同牛腩都有4-5大大件！湯底清甜牛味重，食之前忍唔住飲啖湯先！台灣麵正宗麵條，粗度恰當有口感，配牛肉麵一流！ 麻辣牛肚麵套餐🌶️ （麻辣牛肉湯底配台灣麵小辣） 牛肚爽，切條易入口，牛肚容易掛湯，麻辣牛肉湯入口惹味小辣唔算太辣，唔食得辣都可以食下香辣口感！另外，仲有一碟小雲耳！所以好抵食！ 台式小食拼盤🥟 有炸雞翼，炸蕃薯條，炸餃子同炸花枝丸，唔駛揀一次食哂台式小食 芝士奶蓋抹茶🥤 芝士奶蓋Fans! 同台式飲料專門店一樣咁好味！奶蓋夠厚，抹茶味夠濃弓，大大杯好滿足！ 鐵觀音珍珠鮮奶茶🧋 珍珠大小剛好，有咬口唔會太甜，奶香同茶香配合得天衣無縫！ 桂花小幸 (元朗廣場) 元朗青山公路249-251號元朗廣場G樓003 & 005號舖