深圳必食 羅湖東北燒烤天花板🍢必食惹味串串

黎深圳挽當然唔少得食串燒盡情飲酒啦🍻最近發現羅湖有間東北燒烤店， 店內裝潢好有特色，走80-90年代東北風格，餐廳內不難發現木質桌椅、老式搪瓷碗、鐵飯盒餐盤、牆上掛著的裝飾，氣氛十足😍 佢地既烤串都係現穿現擺，加上香口惹味的調味料，食既時候地道有東北風味，邊食串串邊飲酒真係人生樂事👍🏻 以家大眾點評亦有優惠套餐，CP值高🥳 2-3人嗨吃豪華套餐 218元 ▪️串串 🔸解饞牛肥瘦 🔹窩骨筋 🔸解饞小牛肉 🔹秘制醬油筋
 🔸牛油小串 🔹碳烤五花肉 🔸內蒙羔羊肉 特別推介解饞牛肥瘦，肥而不膩，肥瘦相間，一口咬落去帶油脂香，越食越過癮🐮 解饞小牛肉肉質新鮮有嚼勁，外皮烤得脆卜卜，好有驚喜😆牛窩骨筋軟筋比較多，食既時候軟脆有嚼勁，而且有豐富骨膠原🤓值得一試 牛油小串平時香港好少見，其實即係烤牛胸油😚一咬牛油香味喺口入面爆發🤤送酒一流 豬肉方面推介碳烤五花肉，外皮燒到焦脆，肉汁滿滿🐷 鐘意食羊既可以試下內蒙羔羊肉，羊騷味不重好惹味🐏 碳烤乳鴿 招牌必食⭐ 乳鴿賣相靚仔，採用炭烤做法，外皮酥脆，內裹啖啖肉又juicy，帶油香大滿足 ▫️素菜
 🥬碳烤油麥菜
 油麥菜面頭加上辣粉香辣爽脆，不油不膩 老醋木耳
、手掰皮蛋
 木耳酸甜脆口，皮蛋入味，食落辣辣地好香口 蔥油乾豆絲
 豆腐皮切細絲，加入香菜、洋蔥同蒜末😗食落清新有口感 🥚田姥姥雞蛋糕 外表睇落去似焦糖布丁既蒸蛋，用左豆油蒸，食既時候蛋香味濃，口感綿密甜而不膩，必點之選 🍜東北大冷面 麵質爽滑，微酸的冷麵汁好開胃，加上泡菜、薑、黃瓜絲天氣熱食透心涼🥒 ▪️飲品
 包左大窯嘉賓汽水，另外仲有多款酒水可以邊飲邊食串燒 _ 地址🗺 陶小串•東北燒烤 (文錦花園店) 文華社區春風路1046號文錦大廈1樓8號 🚇地鐵9號線文錦站C口步行160m