【上環】大大隻炸雞髀🍗，問有邊個可以抵擋得了🤩🤩

上環依間隱世美食，平時返工都諗住去試下，但每次都唔記得咗，今日專登去完AIA玩，再去試吓，然後一試就知道點解咁多人會食啦🤩🤩好味+人情味=味道 越式香茅蔥油豬扒煎蛋飯 $70 推薦指數💥：🌝🌝🌝🌝🌝 平時食蔥油豬扒，除咗豬扒之外就冇其他配料，而這間竟然還放多咗一隻煎蛋🙊🙊睇落似平時茶餐廳碟頭飯咁，但千祈唔好俾佢的外表欺騙到，因為配埋他們特別調整的醬油，你就明白蛋汁加醬油加落個飯一齊食，係有幾咁好食🤤🤤🤤 咁當然主角蔥油豬扒一樣唔輸蝕，不單止份量好多，食落肉質軟淋，唔會太乾身，本身調味都已經做得好好，香茅味都突出，另外配蔥油一齊食的話，就會完全係另一種感覺😋 炸雞髀配泰式冬陰功河粉 $84 推薦指數💥：🌝🌝🌝🌝🌝 我一開始會想嚟依間餐廳的原因，就正正係依個大大隻炸雞脾🤩🤩外皮炸到香脆，一啖咬落去，發出的聲音真係令人忍唔住一啖接一啖，而且就係外皮脆到咁脆，入面依舊保持到好juice 而冬陰功河粉同樣高水準，食落就知唔係得個樣，冬陰功味好濃，酸酸辣辣咁好開胃 泰式炭燒豬肉串 推薦指數💥：🌝🌝🌝🌝🌝 令我對炭燒豬肉串完全改觀，食落有咬口，唔似豬扒咁淋身，質感比較似豬肉乾，但冇咁乾身；味道唔會太濃，帶少少炭香味，配搭沙嗲醬一齊食就會更加惹味 泰式奶茶 $12 推薦指數💥：🌝🌝🌝🌝🌝 味道上和在泰國當地飲的差唔多，都係好香的香料茶味，只不過這個相對上冇咁甜，因為要適合返香港人嘅口味，太甜反而有反效果 青檸檬梳打 $12 推薦指數💥：🌝🌝🌝🌝🌚 氣超多🤣🤣就算臨尾食完晒嘢先飲，都仲係有好多氣泡，不過我略嫌覺得青檸檬味偏淡，不過解膩非常好 ✨整體來講，如果諗唔到食咩菜的時候，絕對推薦你入去再慢慢諗，因為保證令你有驚喜 📍味道 地址💬：上環畢街15號地舖 #泰菜#泰國美食#UCreator#打卡美食#美食推介#Foodie