粉嶺午餐之選

等小朋友放學，鐘意去呢間茶A食 late lunch，230pm 左右唔多人，可以慢慢食。 今日同學仔媽咪一齊食，嗌咗咖哩牛腩飯＆XO醬蔥油豬排雙蛋飯分享。 份量非常多！一大碗咖哩，有大概六至八件牛腩🐄，兩舊薯仔。咖哩汁微辣，滿滿香甜椰子味😋，牛腩夠淋又入味，薯仔內裡軟綿甜蜜。咖哩汁另上，鍾意撈幾多落飯都得。 XO醬蔥油豬排雙蛋飯非常好食，蔥油好香，豬扒大件🐷，夠乾身，煎到剛剛好，唔會油淋淋，配埋蔥油＆秘製XO醬好開胃😆！特別鍾意配太陽蛋，可以將蛋黃汁撈蔥油再撈飯食😋😋😋～～XO醬有咸鮮味又惹味， 非常好！ 今日嗌特飲，凍紅豆奶茶🧋。奶茶香滑有茶味，紅豆甜蜜，煲到夠淋，唔會一粒粒好硬，值得讚。