驚喜的台南早午餐

位於台南市中心的一間早午餐店 Google評分有4.9（285個評論） 而且都鄰近其他熱門景點：林百貨、蝸牛巷、南埕衖事等。所以決定試下佢。 11:15am左右到達，門面非常打卡able，入到去環境都幾有酒吧feel,都靚。 店員問我哋可否接受上樓用餐，因為一樓（即係G/F)已經客滿，可能要等好耐。 我地當然接受啦，由於佢2樓剛開冷氣啫，所以店員叫我哋係吧台位坐一陣，睇下食咩先。 大概5分鐘左右，店員問我地會唔會考慮先下單，因為製作需時，可能要等20-30分鐘，當下內心嚇一嚇，但轉念一想，反正都唔趕時間，咪當享受一下慢生活囉，咪咁心急啦香港人，本身都係諗住當午餐食既。咁就落左單先，店員叫我地等多一陣，冷氣未夠涼啊上面。 大概等多左5分鐘，店員就俾我哋上樓喇，環境舒適。由於當時2樓淨係得我哋一台客人，店員話隨便坐，但近窗口綠色沙發果張枱、果個範圍係包廂位，就唔好過去喇。另外係自助斟水既，廁所係一樓。 之後我地就獨佔左成個2樓，狂拍照。大概5-10分鐘左右，有湯、沙拉、前菜上黎喇。好食既，南瓜湯好飲，好濃郁同醇滑。前菜同沙拉就基本野啦，好食但冇咩特別。 之後就係漫長既等待… 講真，確實時間我都唔係好記得，大概差唔多12點？我開始餓了… 就有食物同飲品上黎啦！ 佢係真係熱辣辣有熱氣咁上嚟嘅。 哇一見到個碟食物，擺盆係靚嘅，我求求其其影咗兩張相，我哋就開餐。因為我哋都開始肚餓啦。 我哋分別叫咗低溫舒肥雞胸肉 同 檸檬白漿煎鮭魚 想講佢個蒜蓉包真係好好食！超級香蒜蓉味，熱辣辣外脆內軟！ 雞胸都非常柔軟，好味！ 煎鮭魚煎得剛剛好，魚皮焦脆，魚肉微微金黃色，內裡柔軟、肉汁鮮嫩，不會乾柴。 份量對我來說很足夠！超級滿足！ 值得4.9分！ 用餐中途，我哋2樓迎來第二枱客人，嗰台客人有帶狗狗上來。我哋先發現原來呢間餐廳係寵物友善餐廳。狗狗很可愛！ 總結：食物和環境滿分，服務態度親切有禮。就是要預時間等候食物，因為是現點現做，人多就可能要等耐啲。或者可以考慮打電話訂位點餐先。 #台南美食#台南旅遊#台南早午餐店 #全民打卡企劃