築地食材🫳🏻握壽司

難得入嚟呢區 梗係搵返之前個bookmark list 個個都話呢間及得上日本啲質素 佢大部份分店都係得立食 但今次去個間就係有得坐嘅😙 ❣️(午市)特選三文魚盛合 $88 🥢三文魚壽司 🥢三文魚腩壽司 🥢火炙三文魚壽司 🥢三文魚小卷 🥢辣三文魚軍艦 三文魚脂肪紋理分布平均 放上微量洋蔥碎🧅 增加微辣刺激感 全部壽司飯勻以日本福井米製作成淡啡色嘅醋飯 赤醋比白米醋更香醇濃郁 唔係剩係得個酸 相對更具層次感 自然地帶出魚鮮味🐟 🥢麵豉湯 🥢沙律 🥢迷你蔥吞拿魚腩飯 +$28 追加價錢超抵食 魚蓉佔成碗嘅比例足足成2分1 係面嘅吞拿魚腩蓉打到超綿超爛 拌入洋蔥粒香蔥粒芝麻粒 飯底同樣係淡啡色嘅醋飯😍 魚蓉飯粒50/50 真係啖啖肉 黏黏哋嘅魚肉加上濃醋香嘅飯底 就算食幾多魚肉都唔覺漏 超級滿足😆 ❣️火炙大吞拿魚腩海苔壽司 $50 呢個真心推薦!!! 厚切吞拿魚腩就嚟厚過啲飯 火炙燒過更加將啲油脂迫晒出嚟🔥用脆脆嘅紫菜包裹住 一咬落去油花四濺 佈滿口腔每個角落 ❣️炸軟殼蟹 $58 即叫即炸好酥脆 一開為二嘅軟殼蟹方便入口 蟹殼上薄薄一層炸粉 脆香外皮入面肉質鬆軟 加埋啲凍冰冰嘅沙律醬 完美體驗冰火口感😌 ❣️鰻魚櫻花蝦玉子燒(2件) $48 鰻魚配玉子燒已經夠特別 仲要連埋櫻花蝦 搽滿鰻魚汁嘅燒鰻魚加埋香甜嘅玉子磚 軟熟無骨嘅魚肉加上厚實嘅玉子原來都幾match🤩 ❣️獺祭四割五分 BOX SET $88 「四割五分」嘅意思係每粒米即係提取最精華個45% 酒質香醇更加細膩通透 今次呢隻帶有水果🍐般嘅清香 同時混合米香 顛覆一般人對清酒嘅印象 初嚐者都易入口 - 🫧立鮨(安富大廈) 荃灣路德圍26-42號安富大廈地下6號舖

平均消費
HK$365
地址
立鮨
香港荃灣路德圍40號
評分
4/5
下一篇載入中