吃喝玩樂集一身 @ 香港黃金海岸酒店 Staycation ( 屯門黃金海岸酒店 )

早幾個月經常同太太走上深圳 staycation，但玩得多都想留港玩下，月前就入住屯門的黃金海岸酒店放空一下。 或者有人會認為地點比較隔涉，但個人反而覺得有度假 feel。 黃金海岸最出名係海景，今次間房附有露台，可遠眺附近的遊艇會，寧靜舒適的感覺真好。 房間設備齊全，雙人床夠大，瞓得幾舒服。 房間設備一應俱全，真係帶套衫去就得。 因為checkin時間係下午，見有時間，就先來一個下午茶充充電。 黃金海岸酒店就是餐廳夠多，中菜、扒房、下午茶、新加坡菜及自助餐都有，完全切合不同家庭組合及人數，非常靈活。 晚餐就跟太太在酒店內的“海岸扒房” Fine Dining。 但最新消息係扒房有改革，變得更加親民，有機會要再去試試。 一覺醒來，可以出露台睇下日出，吹吹海風，感受一下市區沒可能得到既感到自然氣息。 豐富的早餐就在酒店的聆渢咖啡廳內享用。 很少酒店能像黃金海岸酒店一樣，除了擁有幾間餐廳外，室外泳池、兒童遊戲室、環保農場，仲有烘焙及陶藝工作室，真係由三歲到八十歲都不愁沒有節目。 今次同太太就參加了陶藝班。 班裡有專屬的工具，由專業的導師指導，所以就算是素人的太太，依然能炮製出似模似樣的飯碗。 但是真正的製成品還是要經上釉及燒製的過程，大家先按照自己的喜好，選擇屬於自己的顏色，交由師傅安排燒製，大概等一個月左右，便會通知取回。 大家睇睇，係咪都幾靚先？ Facebook 專頁 : Hong Kong Gold Coast Hotel 地址 : 屯門青山公路1號香港黃金海岸酒店大堂   電話 : 24528822   味道 : 4  環境 : 4  服務 : 4  衛生 : 4  抵食 : 4  位置 : 3   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #Hong Kong Gold Coast Hotel #美食焚化爐 #staycation (此文章由U Blog 同步發佈至社群)