靚料火鍋

三個人去咗打邊爐，一早卜咗枱嘅，安排我哋坐一張六人枱，仲係角落位，坐得十分舒服，咁就放心叫嘢食嘞我哋。 湯底中最名貴係招牌螺片濃雞鍋，就叫呢個，我哋一廂情願以為有雞食，但原來冇嘅，咁唔緊要啦，點餸點半隻雞自己加落去囉我哋。另外仲嗌咗手打牛丸、韭菜餃、滑嘟嘟（鯪魚滑拼墨魚滑拼蝦滑）、爆芝響鈴、西洋菜、皇帝菜，仲有個小吃辣酒煮花螺。 每樣嘢都好新鮮好好食喎，特別impress係嗰半隻雞，唔係雪藏嘢嚟咖，新鮮雞，我真係好耐冇食過喇。仲有個辣酒煮花螺啲香料一啲都唔吝嗇，味道調配得好好，香辣刺激。 唉，忘記咗影飲品，嗌咗青瓜特飲、咸檸七、大檸樂，好大杯。 如果食到五點半嗰轉，七點半前還枱，或者夜啲九點半先入座，火鍋配料同小食會係半價！但因為要就啲朋友收工時間，我就冇乜機會享用到呢個優惠。我因為用某app卜定枱有八五折，總括嚟講呢度食物咁高嘅質素，呢個價位絕對物有所值，同值得真心推介。 #龍重登場