親子友善餐廳 | 美滋鍋 | 旺角區

有朋自遠方來，苦惱緊係旺角食咩好嘅時候，比我搵到呢間任食打邊爐「美滋鍋」，吸引我嘅係除左親子friendly之外，仲有粉紅色嘅裝潢，打卡一流！ 去到餐廳要先揀左要咩餐先再入座，因為我地book 5:30pm，所以基本上成間餐廳最早就係我地呢枱，落單食物都好快送到！ 去到醬料區，醬料非常齊全，仲會教你去調醬，不過我就無跟到~😂，而最suprise係竟然有碗仔翅、咖哩魚蛋同埋煎釀三寶，即刻可以介紹埋同枱由台灣而黎嘅朋友仔去食。 食物方面每次落單每款食物都只會黎2-3舊，其實幾好，可以keep住新鮮又唔會怕太多食唔曬浪費食物。最鐘意係食生根，每次打邊爐都一定食！甜品方面最開心係有得食豆腐花，係細個嘅回憶，不過就細盒左好多。 食完又係時候帶鰻魚B去隔離個playroom到玩，場地比較細，但玩一陣其實都好夠，有得爬上爬落，如果有埋滑梯就更好！有時候場地細設施唔多，只要充分利用身邊有嘅工具 & 想像力，都一樣可以好好玩！ 最估唔到係當日鰻魚B肯跟個侍應哥哥去玩（平時鰻魚B麻麻地喜歡跟男性），媽媽表示好開心可以食餐飯（當然最後我都係忍唔住去左陪玩），但起碼可以食到野落肚都好開心！ 最後臨走鰻魚B要係餐廳門口等到個侍應哥哥出黎同佢親口講聲拜拜先肯離開~ 美滋鍋 地址：旺角登打士街56號家樂坊8樓803號舖 時間：星期一至五（17:00 - 02:00）星期六及日（12:00 - 16:00 & 17:00 - 02:00） #親子好去處#親子#親子餐廳#親子友善餐廳#美滋鍋#旺角美食#旺角好去處#旺角餐廳#旺角火鍋#任食火鍋#任食打邊爐#火鍋#火鍋放題#火鍋吃到飽