必試過癮🤩遊船🛶遊九州威尼斯'柳川'🏞

既然選擇左去福岡嘅南部,點可以唔去呢個咁有特色又有九州威尼斯之稱嘅水都‘柳川’呢?!🤭 柳川以前係護城河,以抵禦外敵,其後亦用於確保農業,防火同生活用水.目前長達930公里,依家當然變左熱門嘅旅遊勝地啦～ 黎到柳川,不得不黎玩‘遊船’🤩因為原來唔係睇下風景柳樹甘簡單🤭著住傳統服裝嘅船夫拎住枝好長嘅竹撐著船,唱下歌之餘,佢仲會將船開到好低嘅橋,所有人都要彎低先過到條橋,相當過癮😅但當我地個個都訓低哂過橋嘅時候,佢原來跳左上橋等我地過哂再跳番落船,這都算係一個幾特別嘅表演吧🤭影下相,訓低過下橋,拍下手聽聽歌,輕輕鬆鬆就過左45分鐘嘅船程啦～ 由於船公司聚多,我誠意推介呢間俾大家,因為呢間接待嘅全部都是活力充沛嘅小鮮肉🤣🤣仲有等上船嘅地方隔離就有間精緻cafe boutique☕️可以一路shopping一路等上船；落船仲可以嘆埋杯咖啡先走,所以超級正😍 而每年7月中旬～10月上旬會舉辦夜間護城河巡禮. 長約4公里嘅護城河將會點燈,普通船亦會變為‘’燈船”!🏮我相信亦係另一番特別嘅體驗🤩(燈船係完全預約制) 黎緊會去福岡嘅朋友仔可以安排一下咯～ 柳川川下り マル江遊船 📍 地址： 18 Jogumachi, Yanagawa, Fukuoka 832-0066日本 🚉交通： 從博多周邊開車約1小時,或搭乘特快列車從西鐵福岡(天神站)至西鐵柳川站約50分鐘，即可抵達柳川 🕘開放時間：0900-1600 #日本之行#日本之旅 #日本好去處 #日本 #福岡 #福岡旅遊 #福岡景點 #福岡旅行 #九州 #九州旅行 #九州之旅 #柳川 #柳川遊船 #泛舟 #水都 #九州威尼斯#求好旅友#想飛賞飛 #想去就去