偏日式嘅多國菜🍽️🇯🇵

✨時令野菜沙律🥗 沙律菜幾新鮮,配有三文魚籽+青瓜🥒+醬,沙律有醬先好食😆😋食完幾開胃🐽 ✨刺身三款 劍魚腩好肥美,有淡淡嘅魚香｡帶子果然生熟都好食,食得出呢個生帶子好新鮮｡ ✨時日海鮮一款 - 扇貝 呢個好大粒,最頂有木魚,第一次見呢個配搭🙈🙈扇貝鮮嫩可口,又多汁｡平時食帶子唔會好重味,呢個就重一啲😍 ✨面豉湯 就係濃郁同足料嘅湯,拎上抬嗰刻係超熱,都係攤咗一陣先飲得🤣🙈裏面有啲海苔同肉~ ✨蟹膏蟹肉迷你丼 配:吞拿魚小卷+拖羅刺身 呢個係主菜嚟,食得好滿足🦀🍣｡吞拿魚小卷好似一座山咁,外面仲有好多拖羅蓉,唔會腥臭,味道上一定冇三文魚咁突出,而拖羅刺身好似脂肪咁🤣咬落幾實淨~🦀蟹膏蟹肉迷你丼好有鹹香,配細細碗飯食先啱,齋食蟹肉會好鹹｡ ✨芝士焗加拿大龍蝦 配有一碗飯(+$58) 本來想食和牛,不過職員話冇曬和牛 變咗乳豬😂,所以就試下呢個新鮮即整嘅龍蝦🦞我最鍾意呢個龍蝦🤤🤤2隻龍蝦大大隻,龍蝦膏非常正~每隻都有幾粒蘑菇,蘑菇好食👍🏻🍄,芝士+cream同龍蝦嘅香好夾,發現撈飯食係幾正🍚 ✨是日精選甜品 - 紅豆雪糕 我仲傻傻地以為呢間叫Misu,甜品自然有Tiramisu🤡🙈不過呢2球紅豆雪糕都適合做用餐嘅尾聲👍🏻🍨雪糕有唔少紅豆粒粒,甜甜地,最底會有啲脆片,有唔同嘅口感🫘 總體而言,呢間餐廳好多都即時整,所以送餐時間相對耐一啲,不過食到乜都新鮮就覺得好抵食｡裝飾方面真係太多花花草草喇😂😂 📍Misu Seafood Cuisine (灣仔) 灣仔皇后大道東202號QRE Plaza 26樓 #misu#御家#misuseafoodcuisine#fusioncuisine#wanchai#wanchaifood#seafood#seafoodlover#lobster#sushi#icecream#sashimi#christmas#food#foodphotography#foodblogger#foodstagram#foodlover