紅磡台式咖啡店 —— 鳥山・商號

一直都想試好耐嘅咖啡店但未有機會試，今次終於揾到個晏晝時間去試！室內裝修主要以木系為主、有清新嘅感覺。店舖細細，但都有十幾個位置，如果多人嚟都可以選擇榻榻米嘅座位。台式嘅精品咖啡店喺香港好似比較少見，喺Menu上都見到唔少台灣美食，以fusion菜形式去呈現。不過因為食咗午餐，今次就淨係試咗甜品，睇下下次有冇機會再試～ 【巧克力雪糕牛角窩夫】｜$78 其實本身係衝住佢哋啲卷蛋嚟，點知一款都唔供應😢 唯有喺僅餘兩款嘅甜品入面揀咗依一款。牛角窩夫都算喺近幾年新興嘅甜品，出面唔少咖啡店都有，不過我就第一次食。食落口感都幾得意，有少少煙韌，加埋雲呢拿雪糕一齊，一凍一熱，又有兩種唔同口感，幾有趣。（p.s. 天氣太熱，雪糕好快就溶🥵 想打卡嘅朋友就要快手啲影完即刻食喇！🤣） 【單品手沖咖啡 - Panama, Catuai, Anaerobic Natural】｜$85 來自台灣Oasis烘焙嘅咖啡，早前去台北嘅時候，已經試過Oasis嘅咖啡，今次返到嚟香港又可以回味一下，風味主要都係以芒果、紅茶為主，亦帶點酒感。不過集中喺前、中段，冇aftertaste。 總結：整體不過不失，下次會想試下啲卷蛋！附近嘅街坊想揾個地方飲下咖啡、食下蛋糕、放鬆下，都不失為一個好選擇。 #熱門菜式#食咗先講#打卡美食挑戰#香港美食#打卡#美食#打卡美食#紅磡美食#相機食先#咖啡#咖啡店#Cafe 鳥山・商號 📍 紅磡蕪湖街111號蕪湖居地下C2號舖 位置／環境：7.5 / 10 食物質素：7 / 10 性價比：7 / 10 服務： 7.5 / 10 會再去嗎？： MAYBE