🌟餐廳：Amelia Hong Kong

🌟餐廳：Amelia Hong Kong 📍地址：尖沙咀廣東道3-27號海港城海運大廈地下OTG63號舖 💰價位：$201-400 📱電話：37051983 來自聖塞巴斯提安之著名米芝蓮星級食府Amelia，登陸尖沙咀海港城🎉主打富意大利風情之新派歐陸料理，環境寬敞舒適，裝潢別緻，仲可以望住景色怡人既海景享受美食，浪漫又享受💖 Weekday Lunch Menu價錢合理又多選擇，有齊沙律、意大利麵、Sea Bass、漢堡包、意大利飯、牛扒等等，仲可以優惠價加配飲品/甜品/紅白酒🍷🥂 ——————————————————— 🔹 Lunch Set有是日沙律+是日餐湯+主菜， 沙律菜新鮮爽脆，淋上酸甜醬汁，係好開胃既前菜～餐湯係蘑菇湯，配鬆軟餐包，絕佳組合。 ——————————————————— 🔹 碳烤三文魚扒 三文魚扒鮮甜肥美，含豐富蛋白質，經碳烤後外皮金黃香脆，魚肉細膩充滿魚油香，入口飽滿～伴碟仲有清甜蕃茄仔、蒜等。 ——————————————————— 🔹 肉醬特式意大利麵 肉醬牛味濃郁又夠嫩滑，味道酸酸甜甜好開胃，面頭加入大量芝士碎，增添口感更濃香。 ——————————————————— 🔹 香脆薯條 薯條炸至金黃酥脆，外脆內軟滿滿薯仔香，即叫即炸熱辣辣，夠哂酥脆可口。 ——————————————————— 🔹 烤蔬菜 有齊幾款蔬菜，推介清甜多汁既粟米同軟腍香甜既翠玉瓜～ ——————————————————— 🔹 Latte、Cappuccino 咖啡濃香醇厚，口感順滑，滿滿豐盈綿密泡沫同時保留咖啡香。 ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ———————————————————