逃離現實，短暫浮生🌊

又到左愉快Weekend 😁, Soy Egg 🥚同9 Flag 🏳️ 想搵間cafe 傾下計食下野，見《浮生》呢個名咁得意就try try 佢啦🏊🏻 浮生 cafe 必試: 浮生鰹魚湯關東煮 🍲 , 手沖咖啡 ☕ ️ 環境🌟：4.5 食物🍽️：4 服務🧑：4.5 價錢💰：人均$180 是但總結: 門店裝潢以木材為主調，入到去就會感受到日式寧靜嘅氛圍。餐廳員工都好friendly同helpful ，以食物質素同環境嚟講， CP值都算高👍🏻 是但食評🌟💬 ✰味噌燒豚肉定食 🐷🍚 ($88) 豬肉嘅瘦肉同肥肉嘅比例恰到好處，唔會有太油膩嘅感覺，配埋日本珍珠米飯就啱啱好 ✰浮生鰹魚湯關東煮 🍲 ($56) 鰹魚湯關東煮嘅味道算係清淡啦，湯汁唔會太重口味。湯裡面嘅日本蘿蔔大大舊而且好入味，食落無渣幾甜。另一重點福袋年糕都好飽滿同軟糯 😋 ✰糖心蛋🥚 骨附腸 🍖( 跟餐+$12/$10) 伴碟嘅溏心蛋同骨附腸都唔會求其。溏心蛋蛋黃嘅稠度同熟度啱啱好。骨附腸尾巴連接住一條骨，食落去香口多汁 💦 ✰若竹抺茶奶凍卷蛋🍵($52) 蛋糕本體好綿密濕潤，甜度適中，充滿抺茶嘅清香味。入仲夾住既奶凍味道香濃，同卷蛋好夾 ✰Tiramisu卷蛋 🍰($52) 呢款卷蛋非常鬆軟，每一層都係滿滿Tiramisu口味嘅鮮奶油。不過個人認為有少少貴，因為唔算好大份 ✰手沖咖啡 ☕️($58) 本身想試個隻豆無哂，店員就介紹左另一隻台灣咖啡豆俾我地，沖咖啡之前會先拎豆俾你聞下，然後用手沖方式沖製，所以等候時間可能會長啲。手沖咖啡係用Sake杯上，搭配番cafe既日式主題。到手時果然香氣四溢，酸味適中，入口都幾滑順香醇，店員冇介紹錯 👍🏻️ 留意週末去都多人，建議預先上網訂座位 📅💺