《淚之女王》結局預測❣️9個伏筆反映結局走向？

今個星期六、日就會播出《淚之女王》大結局啦，因為觀眾反應熱烈，劇組宣布提前10分鐘播出！而上星期嘅劇情令唔少觀眾擔心爛尾😭襯未有結局睇不如一齊嚟預測下最終結局走向啦😆 淚之女王結局｜伏筆1️⃣ 得知海仁手術後可能會失憶，尹殷盛即刻將賢佑同海仁嘅物品收走，企圖竄改海仁記憶，不過相愛過嘅痕跡係好難清理乾淨，海仁手機密碼係佢流產小孩嘅預產期，賢佑房間天花板上嘅星星貼紙都可能喚起海仁記憶。 淚之女王結局｜伏筆2️⃣ 13集後記中，賢佑自拍咗一條片，想可能會失憶嘅海仁自我介紹，究竟海仁有無機會睇到呢條片呢？ 淚之女王結局｜伏筆3️⃣ 劇中唔少次出現海仁病發時候見到哥哥嘅情節，令哥哥嘅死因變得撲朔迷離。尹殷盛講過自己當年都喺哥哥發生意外嘅海灘現場，哥哥嘅死因唔通同尹殷盛母子有關？ 淚之女王結局｜伏筆4️⃣ 最新預告中出現海仁聽mp3嘅畫面，呢部承載咗海仁同賢佑緣分嘅mp3可唔可以喚起海仁記憶？ 淚之女王結局｜伏筆5️⃣ 因為片社長死亡，賢佑被陷害入獄，但關於片社長點死、邊個殺死嘅片段一直未出現，“凡走過必留下痕跡”，相信真兇都逃唔過呢個定律，賢佑嘅律師朋友一定會查出真相，還賢佑清白。 淚之女王結局｜伏筆6️⃣ 牟璱凞親自警告多慧將偷走嘅USB交出，可見USB裡面嘅內容對牟璱凞母子好大威脅，可能成為指證佢哋嘅重要證據。最新預告出現海仁弟弟受傷畫面會唔會激發多慧告發牟璱凞所有罪行？ 淚之女王結局｜伏筆7️⃣ 15集預告出現海仁稱自己心臟砰砰跳嘅台詞，係唔係去完採監賢佑之後嘅感覺呢？真係好似海仁所講投胎100次，都係想同賢佑一齊？ 淚之女王結局｜伏筆8️⃣ 從發現牟璱凞母子嘅陰謀開始，賢佑就一直收集佢哋嘅犯罪證據，就快收網階段，究竟賢佑可唔可以成功送呢對母子入獄幫海仁一家搶返屬於自己嘅一切？ 淚之女王結局｜伏筆9️⃣ 劇中多次提及海仁同賢佑係命中注定，海仁遇溺係賢佑救返，遺失嘅mp3都係賢佑執到，台詞都多次出現「我們是命中注定」，暗示咩苦難都無辦法分開佢哋？ 以呢個劇情走向應該係大團圓結局，作為忠實觀眾真係好驚爛尾！好想講：「祈求天地放過一雙戀人」😢海仁同賢佑都要有好結局！ 圖片來源：TVN #攻略#情感#淚之女王#韓劇#婚姻#愛情