QUE-高格調西日fusion餐廳,必試精緻美味甜品!

啱啱weekend 去到旺角嘅MOKO新世紀廣場,發現新開咗一間叫QUE嘅日式和西式的fusion餐廳,見佢餐牌嘅食物以日式丼飯,特色壽司,仲有西式意粉等為主,食物種類好多,仲有好多好精緻嘅甜品, 真係好吸引,所以就入咗去試,食完真係覺得好好味好值得推介。😋 QUE 嘅店舖裝修非常日式,全店用了淺色木為主色調,再襯上淺木質傢具,天花還有和紙木條concept 去做燈光設計,加上中庭的綠化草球吊飾,令有整體感有一種時尚同傳統和式嘅感覺,但又好舒適。 ~ 鰻魚玉子壽司塔可 🍣🌮 $72 佢哋嘅壽司塔可係佢地獨創菜式,外觀已經非常靚,壽司係有四層不同顏色嘅食材,最上層係燒鰻魚,之後係玉子燒,下面係新鮮沙律菜,最底層係壽司飯,再用炸過嘅紫菜包住成個壽司,再將佢夾到似倒轉嘅三角形擺放在紙架上。 食嘅時候可以好似三文治咁夾住拎起一齊食。🥪 😍食落鰻魚係新鮮燒好,肉質鮮嫩,玉子蛋香滑嫩, 而沙律菜中有醃蘿蔔,底層嘅米飯粒粒分明,口感彈牙,紫菜炸得非常鬆脆,夾埋所有野一齊食,真係絕配!好味得黎好refresh, 又開胃,好啱做前菜😋 ~ 軟殻蟹意粉配蟹肉番茄忌廉汁 🦀🍝$158 之後叫咗佢哋其中嘅招牌主食軟殻蟹意粉配蟹肉番茄忌廉汁。軟殻蟹好大隻、炸到金黃色,意粉撈滿好香嘅番茄忌廉汁,表面仲灑咗芝士碎,真係色香味俱全😋 啲軟殻蟹炸得香脆,肉質好鮮味,蟹味非常濃郁,意粉煮得剛剛好,夾埋好好味!🍅🧀 ~靜岡縣紅茶甜筒 🍦 $78 最後必定要食佢嘅甜品🍮, 不單止種類好多,而且款款都好靚好吸引🤤,最後揀咗靜岡縣紅茶甜筒。呢款甜品係將紅茶甜筒倒轉,斜斜咁擺係碟到,旁邊有小碟嘅紅茶奶茶,可以食果倒落雪糕到。甜筒入面嘅靜岡縣紅茶雪糕濃香滑,帶有淡淡嘅紅茶香氣,又唔會太甜,非常好味。試完雪糕之後可以將甜筒脆皮敲碎,發現入面有蛋糕粒😆真係有驚喜,仲可以將所有野撈埋一齊食😋 呢間餐廳嘅甜品好創新種類好多,又靚又可以打卡,款款都好想食😍下次黎一定再試埋其他甜品😋😋 QUE (MOKO新世紀廣場) 旺角太子道西193號MOKO新世紀廣場4樓453號舖 推介度:⭐️⭐️⭐️⭐️⭐️/5⭐️ #文青 #咖啡 #cafe #日本 #日系 #甜品 #QUE #cake #icecream #雪糕 #日本菜 #熱門菜式 #旺角 #打卡 #chill #週末 #下次要再食

平均消費
HK$200
地址
QUE Cafe (MOKO)
香港旺角新世紀廣場平台
評分
5/5
環境好靚呀!😍
下一篇載入中