🌟餐廳：URBAN Cafe

🌟餐廳：URBAN Cafe 📍地址：荔枝角長沙灣道680號麗新商業中心1樓 💰價位：$51-100 ⏰營業時間：星期一至日12:00 - 22:00 📱電話：90499929 Happy Friday終於放假啦！！收工約埋閨蜜去貓貓cafe，忙咗成個星期終於可以唞吓，坐低食嘢傾吓偈，又可以玩貓貓，治癒感一流！ 晚飯時間去到，門口有唔少人排緊隊，好彩一早book咗位，着好鞋套就可以入餐廳。一入到門口就見到好多貓貓圍住客人，真係好得意，有好多唔同品種嘅貓貓，完全唔驚人，勁痴人！ ——————————————————— 🔹 餐湯係蘑菇忌廉湯，加入忌廉特別香濃幼滑，粒粒蘑菇增添口感。 ——————————————————— 🔹 沙律份量適中，爽脆清甜，加埋酸咪咪嘅醬汁好清新。 ——————————————————— 🔹 意式肉醬千層麵 肉醬味道濃郁豐富，香甜又juicy，加埋邪惡芝士拉絲勁吸引！千層麵好有口感，煙韌得來好彈牙，相當出色。 ——————————————————— 🔹 西班牙燒烤醬黑毛豬肋骨 豬肋骨焗製時間啱啱好，濃厚醬汁配以嫩滑豬肉，肉質好鬆軟，伴碟仲有金黃香脆炸薯條！ ——————————————————— 🔹 蜂蜜紅棗茶 餐飲揀咗杯好滋潤嘅蜂蜜紅棗茶，甜度適中，養生一流。 ——————————————————— 🔹 墨魚汁軟殼蟹意大利飯 另外再單點咗個意大利飯，超大件軟殼蟹，咬落酥脆，內裡Juicy，意大利飯加入墨魚汁同煮，賣相好吸引，味道香濃，食到一粒粒嘅口感，軟硬適中，口感極佳！ ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ———————————————————