最近喺九龍公園學游水 上完堂發覺到附近有呢間新開價錢又唔貴嘅川菜🌶選擇都幾多 ❣️傳統風味手工涼皮 $28 嗌咗無配料嘅原味 撈左自家製地道川式辣椒油 仲有花生 炸豌豆 青瓜絲 香蔥 芝麻 賣相極吸引 涼皮吸滿辣油 BB辣吊出少少辣椒香 香而不辣 啱晒啲食唔到辣嘅朋友🤓 ❣️雲吞雙拼(一口高麗菜豚肉雲吞/ 一口粟米豚肉雲吞) 20隻 $45 +長洲大魚蛋 $12 揀咗蝦米紫菜湯 清清甜甜幾乎可以當餐湯飲 雲吞一口一粒好迷你好精緻 餡皮比例做到6:4 細細粒肉一人食曬廿粒都唔會話濟☺️ ❣️肥牛金針菇重慶酸辣粉 $48 濃湯泡浸酸辣粉 肥牛吸收湯底精華 加上金針菇一齊食 滑捋捋嘅薯粉超級掛湯🤭多麻少辣 淡淡重慶味出晒嚟 ❣️麻辣手撕雞川式涼麵 $52 涼麵撈左芝麻醬 另外仲有青瓜 雲耳 花生 菜甫 梗係唔少得手撕雞 手撕雞醃得入味 份量都唔少 跟餐俾左包topping 包括花生粒 提子乾 山楂粒 倒埋落涼麵度食 甜甜地又幾得意😆 ❣️山楂紅糖冰粉 $16 食辣嘢必食甜品 都係同一包topping 花生粒 提子乾 山楂 到晒落去再加埋紅糖 涼浸浸勁解辣 加上有配料 多咗啲唔同嘅口感 比平時一般嗰啲有特色🥰 - 🫧熊貓小雲吞 佐敦彌敦道219號莊士倫敦廣場地下GO4-G05號舖