📍Tsim Sha Tsui 新開西日fusion餐廳 柔和木系貓貓裝修! 🪴🐈 應該係開張嘅第二日就去試咗 因為見到有假貓sls 餐廳賣嘅食物有啲似日式Cafe食物 但整體空間感大 格局又其實係間餐廳嚟 本身喺東涌有店 呢次試咗喺圓方新開嘅分店 🤍角切魚生丼($148) | Rating: 7.5/10 有三文魚 吞拿魚 飛魚子 明太子等 角切魚生夠新鮮 入口鮮甜 個人鍾意可以再切大粒少少 鍾意啲珍珠飯! 粒粒飽滿 夠凍之餘酸度啱啱好 🤍鹽燒三文魚海葡萄沙律($128) | Rating: 8/10 爽脆嘅沙律菜配肥美嘅三文魚 感覺食材夠新鮮 欣賞個醬汁酸酸辣辣 又帶點蛋黃醬味 開胃得嚟又好夠味 再加上三文魚燒過逼出魚油香 成個沙律味道更豐富 唯一扣分係海葡萄唔太新鮮亦冇存在感🥲 🤍軟殼蟹班尼迪蛋($138) | Rating: 8.5/10 包底好似係再搽咗牛油嘅牛角包 可以想像到嚿嘢有幾香(同幾邪惡) 但未到超脆口 軟殼蟹配番茄莎莎 煙肉 柚子荷蘭汁 食落口感超豐富 微酸嘅醬汁令食落少啲油膩感 🤍脆炸單骨雞翼 配 辛子明太子醬($88) | Rating: 6.9/10 外皮炸得乾身唔油膩 但keep到啲肉唔乾柴 配明太子醬一定冇死 但亦冇乜特別 整體好食但諗返起其實係得4隻雞翼only 就即刻唔抵嗌🥹 🤍加賀焙茶蛋糕($82) | Rating: 9/10 俾佢正正方方嘅賣相吸引! 味道都冇令人失望 係奶香味較茶味重嘅甜品 但so far焙茶味都夠 亦唔會太甜 入面係海棉蛋糕同焙茶mousse 疊層 中間有日本梨醬夾心! 外面係一層超薄嘅焙茶朱古力脆皮增添口感 扣咗分係mousse嘅比例較多 如果同蛋糕balance翻會更好! 食物質素比預期中嘅好 會話係喺餐廳入面好食嘅Cafe food 高樓底同空間感大 裝修風格都令人覺得坐得幾舒服!